ଭୁବନେଶ୍ୱର: ରାଜ୍ୟରେ ଦିନକୁ ଦିନ ବଢ଼ିବାରେ ଲାଗିଛି କରୋନା ଆକ୍ରାନ୍ତଙ୍କ ସଂଖ୍ୟା। ଯେଉଁଭଳି ଭାବେ ଆକ୍ରାନ୍ତଙ୍କ ସଂଖ୍ୟା ବଢୁଛି, ଏଥିରୁ ଜଣାପଡୁଛି ଗୋଷ୍ଠୀ ସଂକ୍ରମଣ ହୋଇପାରେ। ତେଣୁ ପୂର୍ବଭଳି କଟକଣା ଜାରି ରହିବା ସହ ସପ୍ତାହକୁ ଦୁଇ ଦିନ ସଟ୍ଡାଉନ୍ କରାଯାଉ ବୋଲି କହିଛନ୍ତି ଭୁବନେଶ୍ୱର ଏମ୍ସର ପୂର୍ବତନ ନିର୍ଦ୍ଦେଶକ। ତାଙ୍କ କହିବ ଅନୁସାରେ ଯେତେବେଳେ ଜଣେ ରୋଗୀ ଆକ୍ରାନ୍ତ ହେଉଛି, ପ୍ରଥମେ ଜାଣିବା ଦରକାର, ସେ ରୋଗ ଆସିଲା କେଉଁଠୁ । କଣ୍ଟାକ୍ଟ ଟ୍ରେସିଂ ଜାଣିବା ପ୍ରଥମେ ଦରକାର। ମନେକର ଗତକାଲି ୨୦୦ ପଜିଟିଭ ଚିହ୍ନଟ ହୋଇଥିଲେ, ସେମାନଙ୍କ ମଧ୍ୟରୁ ୧୦୦ ଜଣଙ୍କ କଣ୍ଟାକ୍ଟ ଟ୍ରେସ ହୋଇଗଲା। କିନ୍ତୁ ଆଉ ୧୦୦ ଜଣଙ୍କ ହେଲା ନାହିଁ। ଆମେ ଜାଣିବା ଦରକାର ଯେ ଏସବୁ କେଉଁଠୁ ଆସିଲା। ଏହାର ଅର୍ଥ ଯେ ଗୋଷ୍ଠୀରୁ ଆସିଲା । ଗୋଷ୍ଠୀ ସଂକ୍ରମଣ ଆମେ ହୁଏତ ମନା କରିପାରୁ କିନ୍ତୁ ସତ କଥା ହେଲା ଯେ ଆମେ ଗୋଷ୍ଠୀ ସଂକ୍ରମଣ ଆଡ଼କୁ ଗତି କରୁଛେ । ସେ ଆହୁରି କହିଛନ୍ତି ଯେ, ବହୁମାତ୍ରାରେ କି କମ୍ମାତ୍ରାରେ ଗୋଷ୍ଠୀ ସଂକ୍ରମଣ ହେଲେଣି, ତାହା ଆମେ ଦେଖିବା କଥା। ଦିଲ୍ଲୀ, ମୁମ୍ବାଇର ଧରାବି ସମେତ ଭାରତର ଅନେକ ସ୍ଥାନରେ ଗୋଷ୍ଠୀ ସଂକ୍ରମଣ ହେଲାଣି। ତାହା ମନା କଲେ ବି ଗ୍ରହଣଯୋଗ୍ୟ ନୁହେଁ। ଗଲା ୩ ଦିନ ମଧ୍ୟରେ ୫୦ରୁ ୬୦ ଲୋକାଲ କେଶ ବାହାରିଛନ୍ତି, ଯଦି ଏସବୁ କଣ୍ଟାକ୍ଟ ଟ୍ରେସ କରିବା ସମ୍ଭବ କି? ତେବେ ଏହା ଗୋଷ୍ଠୀ ସଂକ୍ରମଣ ହୋଇନାହିଁ ବୋଲି କହିବା କେମିତି ସେ ପ୍ରଶ୍ନ କରିଛନ୍ତି। ଅଫିସରେ ମଧ୍ୟ ସିଫ୍ଟ ଡ୍ୟୁଟି ହେଉ, ଫଳରେ ଗୋଟିଏ ସମୟରେ ଅଧିକ ଲୋକେ କାମ କରିବେ ନାହିଁ, ବସ୍ତିରେ ସଂକ୍ରମଣ ବଢ଼ିବାର ସମ୍ଭାବନା ରହିଥିବା ମଧ୍ୟ ସେ କହିଛନ୍ତି।
