କଳାହାଣ୍ଡି, ୨୯|୧୨(ପ୍ୟାରିଲାଲ ଦୁର୍ଗା):-କଳାହାଣ୍ଡି ଜ଼ିଲ୍ଲା ଧର୍ମଗଡ ବ୍ଲକ ଅନ୍ତର୍ଗତ ନନ୍ଦ ଗାଁ ଠାରେ ଗାଁ ର ଇଷ୍ଟ ଦେବ ଙ୍କ ନାମରେ ନାମିତ ପ୍ରଭୁ ବୁଢ଼ା ରଜା କ୍ରିକେଟ ପ୍ରତିଯୋଗିତା ଆରମ୍ଭ ହୋଇ ଯାଇଛି |ଏହି କ୍ରିକେଟ ପ୍ରତିଯୋଗିତା ଉତ୍ସବରେ ମୁଖ୍ୟ ଅତିଥି ଭାବେ ଯୁବ ନେତା ଭବାନୀ ବଣିଆ ଉପସ୍ଥିତ ଥିବା ବେଳେ ସମ୍ମାନିତ ଅତିଥି ଭାବେ ଧର୍ମଗଡ ବ୍ଲକ ଜୋନ (୩)ର ଜ଼ିଲ୍ଲାପରିଷଦ ପ୍ରଣବ ପ୍ରକାଶ ଭଇଁସାଲ, ୱାର୍ଡ ମେମ୍ବର କେଶବ ଦୁର୍ଗା, ପଙ୍କଜ ହଂସ, ପୁରୁଷୋତ୍ତମ ମାଝୀ, ସମିତି ସଭ୍ୟ ଭୁବନେଶ୍ୱର ଶବର ମଞ୍ଚରେ ଉପସ୍ଥିତ ଥିଲେ |ଏହି ବୁଢ଼ା ରଜା କ୍ରିକେଟ ଟୁର୍ନାମେଣ୍ଟ ର ସଭାପତି ସଞ୍ଜୟ ପଟେଲ, ଅଭି ସିଂ, ନୀଳାଞ୍ଚଳ ବାଗ,ମିନ କେତନ ବାଗ ପ୍ରତିଯୋଗିତା କୁ ପରିଚାଳନା କରିଥିଲେ |ବୁଢ଼ା ରଜା କ୍ରିକେଟ ଟୁର୍ନାମେଣ୍ଟ ପ୍ରତି ଯୋଗିତା ରେ ରଙ୍କାବାହାଲ ଟିମ ୧୪୩ ରନ କରି ପ୍ରଥମ ସ୍ଥାନ ଅଧିକାର କରିଥିବା ବେଳେ ଧର୍ମଗଡ ଟିମ ୯0 ରନ କରି ଦୂତୀୟ ସ୍ଥାନ ଗ୍ରହଣ କରିଥିଲେ |ପ୍ରଥମ ପ୍ରତିଯୋଗି ମାନଂକୁ ନନ୍ଦ ଗାଁ ବୁଢ଼ା ରଜା କ୍ରିକେଟ ଟୁର୍ନାମେଣ୍ଟ କମିଟି ତରଫରୁ ୧୭000 ଟଙ୍କା ପ୍ରଦାନ କରିଥିବା ବେଳେ ଦୂତୀୟ ସ୍ଥାନ ଅଧିକାର କରିଥିବା ଧର୍ମଗଡ ଟିମ କୁ ୧୪000 ଟଙ୍କା ବୁଢ଼ା ରଜା କ୍ରିକେଟ ଟୁର୍ନାମେଣ୍ଟ କମିଟି ତରଫରୁ ପ୍ରଦାନ କରାଯାଇଛି |କ୍ରିକେଟ ଖେଳ ଦେଖିବା ପାଇଁ ଅଞ୍ଚଳ ରୁ ଦୈନିକ ହଜାରେ ରୁ ଉର୍ଦ୍ଧ କ୍ରିକେଟ ପ୍ରେମୀ ଉପସ୍ଥିତ ରହି ଖେଳ କୁ ଉପଭୋଗ କରିଥିଲେ |
