ପାଟନା,୫।୨: କରୋନାରେ ବିହାରର ପୂର୍ବତନ ମୁଖ୍ୟମନ୍ତ୍ରୀ ଓ ରାଜ୍ୟସଭା ସାଂସଦ ସୁଶୀଲ ମୋଦିଙ୍କ ସାନ ଭାଇ ଅଶୋକ କୁମାରଙ୍କ ମୃତ୍ୟୁ। ରବିବାର ଅଶୋକ କୁମାର ମୋଦିଙ୍କର ପରଲୋକ ହୋଇଛି। ମୃତ୍ୟୁ ବେଳକୁ ତାଙ୍କୁ ୬୫ ବର୍ଷ ହୋଇଥିଲା। ଏନେଇ ନିଜେ ସୁଶୀଲ ମୋଦି ଟୁଇଟ୍ କରି ସୂଚନା ଦେଇଛନ୍ତି। ସୁଶୀଲ ମୋଦି ଟୁଇଟ୍ କରି କହିଛନ୍ତି, ମୋର ସାନ ଭାଇ ଅଶୋକ କୁମାର ମୋଦିଙ୍କର ରବିବାର ମଧ୍ୟାହ୍ନ ୨ଟା ୪୫ରେ କରୋନାରେ ମୃତ୍ୟୁ ହୋଇଛି। ଡାରକ୍ତମାନେ ବହୁତ ଚେଷ୍ଟା କରିଥିଲେ ମଧ୍ୟ ବଞ୍ଚାଇ ପାରିଲେନି।
ପ୍ରକାଶଥାଉ କି ବିହାରରେ ଏବେ ପୁଣି ଥରେ କରୋନା ବେକାବୁ ହୋଇପଡ଼ିଛି । ଦୁଇ ଦିନ ପୂର୍ବରୁ ବିହାର ମୁଖ୍ୟ ସଚିବ ଅରୁଣ କୁମାର ସିଂହ କରୋନରେ ପ୍ରାଣ ହରାଇଥିଲେ। ୧୫ ଏପ୍ରିଲ୍ରେ ତାଙ୍କର କରୋନା ରିପୋର୍ଟ ପଜିଟିଭ୍ ଆସିଥିଲା। ତାପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। ବିହାରରେ କରୋନା ସଂକ୍ରମଣ ହୁ ହୁ ହୋଇ ବଢ଼ିଚାଲିଥିବା ବେଳେ ଶନିବାର ଏଠାରେ ୧୩,୭୮୯ ନୂଆ ସଂକ୍ରମିତ ଚିହ୍ନଟ ହୋଇଥିବା ବେଳେ ୮୨ ଜଣଙ୍କ ଜୀବନ ଯାଇଥିଲା।
