କୋଲକାତା : ନନ୍ଦୀଗ୍ରାମରେ ବାଜିମାତ କରିଛନ୍ତି ତୃଣମୂଳ କଂଗ୍ରେସ ସୁପ୍ରିମୋ ମମତା ବାନାର୍ଜୀ । କଡ଼ା ପ୍ରତିଦ୍ୱନ୍ଦ୍ୱିତା ମଧ୍ୟରେ ସେ ବିଜେପି ପ୍ରାର୍ଥୀ ଶୁଭେନ୍ଦୁ ଅଧିକାରୀଙ୍କୁ ୧୨ ଶହ ଭୋଟରେ ହରାଇ ଦେଇଛନ୍ତି । ବିଧିବଦ୍ଧ ଭାବେ ନିର୍ବାଚନ କମିଶନଙ୍କ ସୂତ୍ରରୁ ଏନେଇ ଘୋଷଣା ହୋଇନଥିଲେବି ବାଂଲା ଟିଭିରେ ଏହି ଖବର ପ୍ରସାରିତ ହୋଇଛି । ସେହିପରି ଜାତୀୟ ଗଣମାଧ୍ୟମରେ ଟିଏମସି ମୁଖପାତ୍ର ମଧ୍ୟ ଏନେଇ ସ୍ପଷ୍ଟ କରିଛନ୍ତି ।
ଆଜି ସକାଳୁ ସକାଳୁ ଭୋଟ ଗଣନା ଆରମ୍ଭ ବେଳଠାରୁ ମମତା ବାନାର୍ଜୀ ପ୍ରତିନ୍ଦ୍ୱନ୍ଦ୍ୱୀ ଶୁଭେନ୍ଦୁଙ୍କ ଠାରୁ ପଛରେ ରହିଥିଲେ । ଗୋଟିଏ ପଟେ ପଶ୍ଚିମବଙ୍ଗରେ ଟିଏମସି ୨୦୦ରୁ ଉଦ୍ଧ୍ୱର୍ ଆସନ ପାଇବାର ସମ୍ଭାବନା ଥିବାବେଳେ ମମତାଙ୍କ ଏଭଳି ସ୍ଥିତି ଅନେକଙ୍କୁ ଚିନ୍ତାରେ ପକାଇ ଦେଇଥିଲା । ତେବେ ଦଶମ ରାଉଣ୍ଡ ପରେ ଧିରେଧିରେ ମମତାଙ୍କ ଭୋଟ ବଢ଼ିବା ସହ ସେ ଶୁଭେନ୍ଦୁଙ୍କୁ ପଛରେ ପକାଇବା ଆରମ୍ଭ କରିଥିଲେ ।
ମମତା ପଶ୍ଚିମବଙ୍ଗରେ ବାଜିମାତ କରିଥିବାରୁ ତାଙ୍କୁ ଶରଦ ପାୱାର, ଅଖିଳେଶ ଯାଦବ, ତେଜସ୍ୱୀ ଯାଦବଙ୍କ ଠାରୁ ନେଇ ରାଜନାଥ ସିଂହଙ୍କ ପର୍ଯ୍ୟନ୍ତ ଅନେକ ନେତା ଅଭିନନ୍ଦନ ଜଣାଇଛନ୍ତି ।
