ଲକ୍ଷ୍ନୌ,୦୨।୦୮: ଉତ୍ତର ପ୍ରଦେଶ ଭାଜପା ଅଧ୍ୟକ୍ଷ ସ୍ୱତନ୍ତ୍ର ଦେବ ସିଂ କୋରନା ପିଜିଟିଭ ହୋଇଛନ୍ତି । ନିଜେ ଟ୍ୱିଟ କରି ସ୍ୱତନ୍ତ୍ର ଦେବ ସିଂ ଏହି ସୂଚନା ଦେଇଛନ୍ତି । ତେବେ ପ୍ରଥମେ କୋରନାର ଲକ୍ଷଣ ଦେଖା ଯିବାପରେ ଶ୍ରୀଯୁକ୍ତ ସିଂ କୋଭିଡ ୧୯ ପରୀକ୍ଷା କରିଥିଲେ, ଯାହପରେ ଏବେ ତାଙ୍କ ରିପୋର୍ଟ ପିଜିଟିଭ୍ ଆସିଥିବା ସେ ନିଜେ ଜଣାଇଛନ୍ତି । ଏହା ସହିତ ଗାଇଡ ଲାଇନ ଅନୁସାରେ ନିଜକୁ ସଂଘରୋଧ ଭାବରେ ରଖି ଆବଶ୍ୟକତା ଅନୁସାରେ ପରୀକ୍ଷା କରିନେବାକୁ ସେ ସମସ୍ତଙ୍କୁ ଅନରୋଧ କରିଛନ୍ତି । ଡାକ୍ତରଙ୍କ ପରାମଶର୍କ୍ରେମେ ସ୍ୱତନ୍ତ୍ର ଦେବ ସିଂ ନିଜକୁ ଘରେ ସଂଘରୋଧ ଭାବରେ ରଖିଥିବା ଏକ ଟ୍ୱିଟ ମାଧ୍ୟମରେ ଜଣାଇଛନ୍ତି । ସମସ୍ତ ରାଜ୍ୟବାସୀଙ୍କୁ ସରକାରଙ୍କ ଗାଇଡ ଲାଇନକୁ କଡ଼ାକଡ଼ି ଭାବରେ ମାନିବା ପାଇଁ ଅନୁରୋଧ କରିଛନ୍ତି ଶ୍ରୀଯୁକ୍ତ ସିଂ ।
ସୂଚନା ଥାଉକି ଆଜି କେନ୍ଦ୍ରୀୟ ଗୃହମନ୍ତ୍ରୀ ଅମିତ ଶାହ ନିଜେ କୋଭିଡ ପଜିଟିଭ୍ ହୋଇଥିବା ସୂଚନା ଟ୍ୱଟରରେ ଦେଇଛନ୍ତି । ଏହା ସହିତ ତାଙ୍କ ସଂସ୍ପର୍ଶରେ ଆସିଥିବା ସମସ୍ତ ବ୍ୟକ୍ତିଙ୍କୁ କୋଭିଡ ପରୀକ୍ଷଣ କରିବା ମଧ୍ୟ ପାଇଁ କହିଛନ୍ତି ।
