ଅଦ୍ୟ ତା ୧୯/୦୬/୨୦୨୨ ରିଖ ରବିବାର ଦିନ ଢେଙ୍କାନାଳ ଜିଲ୍ଲାର ପ୍ରମୁଖ ସ୍ବେଚ୍ଛାସେବୀ ଅନୁଷ୍ଠାନ ଆଶୀର୍ବାଦ ତରଫରୁ ବର୍ଷା ଋତୁର ଆଗମନ ହେତୁ ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ଭାବରେ ଛତା ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଅଛି। ସଞ୍ଜୟ କଲୋନୀ,ସିମିଳିଆ ଠାରେ ଶତାଧିକ ପରିବାର ସଦସ୍ୟ ମାନଙ୍କୁ ଛତା ବଣ୍ଟନ କରାଯାଇଅଛି।ଏହି କାର୍ଯ୍ୟକ୍ରମରେ ଢେଙ୍କାନାଳ ବିଜୁ ମହିଳା ସଭାନେତ୍ରୀ ଶ୍ରୀମତୀ ସାଗରିକା ମିଶ୍ର ଅତିଥି ଭାବରେ ଯୋଗ ଦେଇ ଛତା ବଣ୍ଟନ କରିଥିଲେ।ଏହି କାର୍ଯ୍ୟକ୍ରମରେ ସଂଜୟ କଲୋନୀର ଅଯୋଧ୍ୟା ବେହେରା ଓ ପ୍ରହଲ୍ଲାଦ ନାଏକ ସହଯୋଗ କରିଥିଲେ।
ଅନୁରୂପ ଭାବରେ ଶ୍ରେୟା ଅନୁଷ୍ଠାନ ଓ ଆଶୀର୍ବାଦ ଅନୁଷ୍ଠାନ ତରଫରୁ ହିମାଳୟ ବସ୍ତି ଠାରେ କିନ୍ନର ମାନଙ୍କୁ ମଧ୍ଯ ମୌସୁମୀ ଛତା ବଣ୍ଟନ କରାଯାଇଅଛି। ଏହି କାର୍ଯ୍ୟକ୍ରମରେ କିନ୍ନର ସଂଘର ସଭାପତି ଛବି ପ୍ରଧାନ ଓ ସମ୍ପାଦକ ସୁବିଶ୍ରୀ ନେତୃତ୍ବ ନେଇଥିଲେ।
ଆଶୀର୍ବାଦ ଅନୁଷ୍ଠାନର ସମ୍ପାଦକ ଶ୍ରୀଯୁକ୍ତ ଅମ୍ବିକା ପ୍ରସାଦ ମିଶ୍ର ଓ ଶ୍ରେୟା ସଂପାଦକ ଜ୍ୟୋତି ରଞ୍ଜନ ମହାରଣା ଏହି କାର୍ଯ୍ୟକ୍ରମକୁ ସୁପରିଚାଳନା କରିଥିଲେ ଓ ଉଭୟ ଅନୁଷ୍ଠାନର ସଦସ୍ୟ ମାନେ ଉପସ୍ଥିତ ରହି ସହଯୋଗ କରିଥିଲେ।
