ଟାଙ୍ଗୀ:-୧୯/୬(ବିନୁ ଦାସ୍):-ନିଆଁ ଲାଗି ଜଳିପୋଡି ପାଉଁଶ ହୋଇଯାଇଛି ଲକ୍ଷ-ଲକ୍ଷ ଟଙ୍କାର ସମ୍ପତ୍ତି । ଖୋର୍ଦ୍ଧା ଜିଲ୍ଲାର ଟାଙ୍ଗୀ ଗ୍ରାମରେ ଥିବା “ଭବାନୀ ଇନ୍ଦିରା ଏଣ୍ଟରପ୍ରାଇଜେସ୍” ରେ ଲାଗିଥିଲା ନିଆଁ , ତା-ପାଖକୁ ଥିଲା ଏହି ଏଣ୍ଟରପ୍ରାଇଜେସ୍ ର ଗୋଦାମ ଗୃହ , ଯେଉଁଥିରେ ଗଛ୍ଛିତ ଥିଲା ହଜାର ହଜାର ଟଙ୍କାର ଚୂଡା ଧାନ ବସ୍ତା ଏବଂ ଚୂଡା ବସ୍ତା , ହେଲେ ଅନ୍ଧାର ରାତିରେ ନିଆଁ ଲାଗିଗଲା ଆଉ ଏହି ନିଆଁ କୁ ଆୟତ କରିବା ପୂର୍ବରୁ ସବୁକିଛି ପାଉଁଶ ହୋଇଯାଇ ଥିଲା ।
ଚୂଡାକଳ ର ସମସ୍ତ ମେସିନ୍ ତଥା ଯନ୍ତ୍ରପାତି ସବୁକିଛି ନିଆଁରେ ପୋଡ଼ି ଯାଇଛି । ଟାଙ୍ଗୀ ଦମକଳ ବାହିନୀ ଆସି ଯଥାସମ୍ଭବ ନିଆଁ କୁ ଆୟତ କରିଥିବା ଏଣ୍ଟରପ୍ରାଇଜେସ୍ ର ପ୍ରୋପ୍ରାଇଟର ପ୍ରତିମା ରଥ କହିଛନ୍ତି । ବିଦ୍ୟୁତ ସର୍ଟ-ସର୍କିଟ ହେଉ ଅବା ଚୂଡାକଳ ନିଆଁ ଯୋଗୁଁ ଏପରି ଆକସ୍ମିକ ଅଗ୍ନିକାଣ୍ଡ ହୋଇଥିବା ଦମକଳ ବାହିନୀ ପକ୍ଷରୁ ପ୍ରାଥମିକ ତଦନ୍ତରୁ ଜଣାପଡିଛି । କ୍ଷତିଗ୍ରସ୍ତ ଙ୍କୁ ସରକାରୀ ଅନୁକମ୍ପା ସହାୟତା ଯୋଗାଇଦେବାକୁ ଏଣ୍ଟରପ୍ରାଇଜେସ୍ ପ୍ରୋପ୍ରାଇଟର ଶ୍ରୀମତୀ ରଥ କହିଛନ୍ତି ।
