ତିର୍ତ୍ତୋଲ(ମାନସ କୁମାର ସୂତାର):- ତିର୍ତ୍ତୋଲ ସାମ୍ବାଦିକ ସଙ୍ଘ ର ଦୁଇ ଯୁବ ସାମ୍ବାଦିକ ଭୁବନେଶ୍ୱର ରେ ସମ୍ବର୍ଦ୍ଧିତ | ଓଡ଼ିଶା ସାମ୍ବାଦିକ ସଂଗଠନ (ଓଜା) ର ୭ମ ବାର୍ଷିକୋତ୍ସବ ଓ ଓଜା ପ୍ରତିଭା ସମ୍ମାନ ସମାରୋହ ଭୁବନେଶର ସ୍ଥିତ ଜୟଦେବ ଭବନ ପରିସରରେ ଅନୁଷ୍ଠିତ ହୋଇଯାଇଅଛି | ଏହି ପରିପ୍ରେକ୍ଷୀରେ ଓଡ଼ିଶାର କୋଣଅନୁକୋଣରୁ ବିଭିନ୍ନ ବର୍ଗର ବ୍ୟକ୍ତିବିଶେଷ ଙ୍କୁ ନିଜ ନିଜର କାର୍ଯ୍ୟକ୍ଷେତ୍ରରେ ଅତୁଳନୀୟ ଅବଦାନ ପାଇଁ ସମ୍ମାନିତ କରାଯାଇଥିଲା | ତିର୍ତ୍ତୋଲ ଅଞ୍ଚଳର ଦୁଇ ଯୁବସାମ୍ବାଦିକ ମାନସ କୁମାର ସୂତାର ଏବଂ ଏମ୍.ଏସ୍. ରାଜନ କୁମାର ଙ୍କୁ ନିର୍ଭିକ ସାମ୍ବାଦିକତା ଏବଂ ସମାଜସେବା କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ ପାଇଁ ଶ୍ରେଷ୍ଠ ସାମ୍ବାଦିକ ଭାବେ ସମ୍ମାନିତ କରାଯାଇଛି | ଓଜା ର ୭ମ ବାର୍ଷିକଉତ୍ସବରେ ଡ଼ଃ. ସତ୍ୟ ରାୟ ଙ୍କ ସଭାପତିତ୍ୱ ରେ ଆୟୋଜିତ ସଭାକୁ ପ୍ରାକ୍ତନ ବିଚାରପତି ରତିକାନ୍ତ ମହାପାତ୍ର ଉଦଘାଟନ କରିଥିବା ବେଳେ ମୁଖ୍ୟ ଅତିଥି ଭାବେ ମାନ୍ୟବର ବିଧାୟକ ଜଟଣୀ ସୁରେଶ କୁମାର ରାଉତରାୟ, ମୁଖ୍ୟବକ୍ତା ଭାବେ ଡାକ୍ତର ଶ୍ରୀବତ୍ସ ଦଳାଇ, ବରେଣ୍ୟ ଅତିଥି ଭାବେ ପୂର୍ବତନ ସାଂସଦ ଡ଼ଃ. ପ୍ରସନ୍ନ ପାଟ୍ଟସାଣି, ଅଧକ୍ଷ ଦି.ଲିଙ୍କ.ଆଇ.ହସ୍ପିଟାଲ, କଟକ ଆଲୋକ କୁମାର ସାହୁ, ସମ୍ମାନିତ ଅତିଥି ଭାବେ ଜିଲ୍ଲାପରିଷଦ ସଭ୍ୟ, ବରୀ ବ୍ଲକ ଅଶୋକ କୁମାର ସାମଲ, ବିଶିଷ୍ଟ ସମାଜସେବୀ ସମ୍ପତି ମୋଡା, ଶ୍ରଦ୍ଧାଞ୍ଜଳି ରାୟ ପ୍ରମୁଖ ଯୋଗଦେଇଥିଲେ | ଓଜାର ସମ୍ପାଦକ ପ୍ରସନ୍ନ କୁମାର ଦାସ ଙ୍କ ପ୍ରତକ୍ଷ ତତ୍ୱାବଧାନରେ ବାର୍ଷିକଉତ୍ସବ ର ସମସ୍ତ କାର୍ଯ୍ୟକ୍ରମ ସମ୍ପାଦନ ହୋଇଥିଲା |
