ଭୁବନେଶ୍ବର ୧୮।୫: ରାଜ୍ୟରେ କରୋନା ବିସ୍ତାର କମିବାର ନାଁ ନେଉନି । ସଂକ୍ରମିତଙ୍କ ସଂଖ୍ୟା ଦିନକୁ ଦିନ ହୁ ହୁ ହୋଇ ବଢିବାରେ ଲାଗିଛି । ରାଜ୍ୟରେ ଆଜି ୪୮ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏମାନଙ୍କୁ ମିଶାଇ ରାଜ୍ୟରେ ମୋଟ ଆକ୍ରାନ୍ତ ସଂଖ୍ୟା ୮୭୬ରେ ପହଞ୍ଚିଛି। ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଏହି ସୂଚନା ଦେଇଛି। ସୋମବାର ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରେ କନ୍ଧମାଳ ଜିଲ୍ଲାର ୨ ଜଣ, ଗଞ୍ଜାମ ୧୫, ଯାଜପୁର ୧୬ ପୁରୀ ୪, କେନ୍ଦ୍ରାପଡା ୩, ବଲାଙ୍ଗୀରି ୨, ନୟାଗଡ ୩, କଟକ, ବୌଦ୍ଧ ଓ ଖୋର୍ଦ୍ଧାରୁ ଜଣେ ଲେଖାଏଁ ରହିଛନ୍ତି। କନ୍ଧମାଳ ଜିଲ୍ଲାରୁ ୨ ଜଣ ଚିହ୍ନଟ ହେବାପରେ କାରୋନା ଆକ୍ରାନ୍ତ ଜିଲ୍ଲା ୨୩କୁ ବୃଦ୍ଧି ପାଇଛି। ସୋମବାର ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ୪୭ ଜଣ କ୍ଵାରେଣ୍ଟାଇନ ଓ ପୁରୀର ଜଣେ ଜେଲରେ ଥିଲେ।
ଭୁବନେଶ୍ଵର :
