ଭୁବନେଶ୍ୱର,୨୩।୦୮: ଆଚାର୍ଯ୍ୟ ବିହାରରୁ ୧୨ ଜଣ, ସାଲିଆ ସାହି ଓ ରିଜର୍ଭ ପୋଲିସରୁ ୯ ଜଣଙ୍କ ସମେତ ଭୁବନେଶ୍ୱରରୁ ଆଜି ୩୧୭ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଭୁବନେଶ୍ୱର ମହାନଗର ନିଗମ ଏହି ସୂଚନା ଦେଇଛି। ସଗଂରୋଧରୁ ୨୦୬ ଜଣ ଓ ସ୍ଥାନୀୟ ଅଂଚଳରୁ ୧୧୧ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି। ସେହିପରି କଟକ ସହରରୁ ଆଜି ୧୧୪ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସରକାରୀ ସଂଗରୋଧରୁ ୧୨ ଜଣ କୋଭିଡ ଯୋଦ୍ଧାଙ୍କୁ ମିଶାଇ ୩୪ ଜଣ, ଗୃହ ସଂଗରୋଧରୁ ୪୭ ଜଣ ଓ ସ୍ଥାନୀୟ ସଂକ୍ରମଣ ୩୩ ଜଣ।
ରବିବାର ବିଏମ୍ସିର ତଥ୍ୟ ଅନୁଯାୟୀ ନୀଳକଣ୍ଠ ନଗର, କଳିଙ୍ଗନଗର, ବ୍ରହ୍ମେଶ୍ୱରପାଟଣାରୁ ୬ ଜଣ ଲେଖାଏଁ, ଏକ ଘରୋଇ ହସ୍ପିଟାଲରୁ ୫ ଜଣ, ଚିନ୍ତାମଣିଶ୍ୱରରୁ ୫ ଜଣ, ଝାରପଡ଼ା ଆର୍ଶୀବାଦ ବିହାରରୁ ୪ ଜଣ ଅଗ୍ନିଶମ ବିଭାଗରୁ ୪ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି। ସ୍ଥାନୀୟ ସଂକ୍ରମଣଙ୍କ ମଧ୍ୟରେ ନିଳାଦ୍ରୀ ବିହାର ସୀତାନାଥ ବସ୍ତି, ଲକ୍ଷ୍ମୀସାଗର, ୟୁନିଟ-୬, ବାଣୀବିହାରରୁ ୪ ଜଣ ଲେଖାଏଁ, ସିଆରପିଏଫ ଶିବିର, ଖାରବେଳ ନଗରରୁ ୩-୩ ଜଣ ଆକ୍ରାନ୍ତ ରହିଛନ୍ତି। ଭୁବନେଶ୍ୱରରୁ ଆଜି ୧୭୦ ଜଣ ସୁସ୍ଥ ହୋଇଛନ୍ତି।
ସେହିପରି ରବିବାର କଟକ ମହାନଗର ନିଗମର ସୂଚନା ଅନୁଯାୟୀ ଏସ୍ସିବି ଆଇସୋଲେସନରୁ ୧୯ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି। ଆଉ ଏକ ସରକାରୀ ସଂଗରୋଧରୁ ୯ ଜଣ ପୁଲିସ କର୍ମଚାରୀ ଓ ଅନ୍ୟ ଏକ ସଙ୍ଗରୋଧରୁ ୬ ଜଣ ପୁରୁଷ କରୋନା ଆକ୍ରାନ୍ତ ହୋଇଛନ୍ତି। ଗୃହସଂଗରୋଧରୁ ଚିହ୍ନଟ ଆକ୍ରାନ୍ତଙ୍କ ମଧ୍ୟରେ ଶାସ୍ତ୍ରୀନଗରରୁ ୭ ଜଣ, ଚାଉଳିଆଗଂଜ ଅପର୍ଣ୍ଣାନଗରରୁ ୫ ଜଣ, ରାଣୀହାଟରୁ ୪ ଜଣ, ବିଦ୍ୟାଧରପୁର, ପିଲିଗ୍ରୀମ ନଗର, ଜଗତପୁର, ବଙ୍ଗାଳୀ ସାହି, ମହାନଦୀ ବିହାର, ସିଡିଏ ସେକ୍ଟର-୯, ଚୌଧୁରୀ ବଜାର, ତେଲେଙ୍ଗା ବଜାରରୁ ୨ ଜଣ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।
ସ୍ଥାନୀୟ ସଂକ୍ରମଣ ୩୩ ଜଣଙ୍କର ମଧ୍ୟରୁ ଝାଞ୍ଜିରିମଙ୍ଗଳାରୁ ୮ ଜଣ, ଚାଉଳିଆଗଂଜ ଅପର୍ଣ୍ଣାନଗର, ତେଲେଙ୍ଗା ବଜାରରୁ ୨ ଜଣ ଲେଖାଏଁ, ବିଦ୍ୟାଧରପୁର, ଆଲମଚାନ୍ଦ ବଜାର, ତିନିଘରିଆ, ଦେଓ୍ଵାନ ବଜାର, ମଠସାହି, ନୂଆପାଟଣା, ଚାଉଳିଆଗଂଜ, ପରେଶ୍ୱର ସାହି, ଗଣ୍ଡରପୁର, ଗୌତମ ନଗର, ନିମଚଉଡି, ହରିପୁର, ମେରିଆ ବଜାର, ରାମନଗର, ଥୋରିଆସାହି, ବକ୍ସିବଜାର, ଖାନନଗର, ପୁରୀଘାଟ, କଣ୍ଟେନମେଣ୍ଟ ରୋଡ, ମଝିସାହି ଓ ନୟାସଡ଼କରୁ ଜଣେ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି।
