ଭୁବନେଶ୍ୱର,୨୨।୦୮: ଭୁବନେଶ୍ୱର ଭିଜିଲାନ୍ସ କାର୍ଯ୍ୟାଳୟ ସିଲ ଏକାଧିକ କର୍ମଚାରୀ କରୋନା ଆକ୍ରାନ୍ତ ଥିବା ଜଣାପଡ଼ିବା ପରେ। କାର୍ଯ୍ୟାଳୟକୁ ସିଲ କରାଯିବା ସହ ସାନିଟାଇଜ୍ କରାଯାଇଛି। ଗୁରୁବାର ଦିନ ଜଣେ ମହିଳା କନଷ୍ଟେବଳ ଓ ଏସ୍ଆଇ କରୋନା ଆକ୍ରାନ୍ତ ଥିବା ଜଣା ପଡ଼ିଥିଲା। ତେଣୁ ଶୁକ୍ରବାର ଅଫିସ୍ ବନ୍ଦ ରହିଥିଲା । ସେପଟେ ପରୀକ୍ଷା ପାଇଁ ଭୁବନେଶ୍ୱର ଭିଜିଲାନ୍ସର ସମସ୍ତ କାର୍ଯ୍ୟରତ ଅଧିକାରୀ ଓ କର୍ମଚାରୀଙ୍କ ସ୍ୱାବ ସଂଗ୍ରହ କରାଯାଇଛି । ସୋମବାର ଦିନ ଅଫିସ୍ ଖୋଲା ରହିବ । କୋଭିଡ୍-୧୯ ଗାଇଡ୍ ଲାଇନ୍ ଅନୁସାରେ ଅଫିସ୍ ଚାଲିବ। ଏଠାରେ କାମ କରୁଥିବା ବୟସ୍କ ପୁଲିସ୍ କର୍ମଚାରୀଙ୍କୁ ଅଫିସ୍ ନ ଆସିବାକୁ ପରାମର୍ଶ ଦିଆଯାଇଛି ।
