ଭୁବନେଶ୍ୱର,୦୪।୦୮: ରାଜ୍ୟର ୧୦୧ ଉତ୍କର୍ଷ ବିଦ୍ୟାଳୟ, ୩୦ ଜିଲ୍ଲାର ୩୦ ଟି ଯୁକ୍ତ ଦୁଇ ନୋଡାଲ କଲେଜ୍ ଓ ଶିକ୍ଷକ ଶିକ୍ଷା କଲେଜ୍ ର ଶିକ୍ଷକଙ୍କୁ ଅନଲାଇନ ତାଲିମ୍। ଆଜିଠାରୁ ଆରମ୍ଭ ହୋଇଛି ଏହି ତାଲିମ୍ ଶିବିର। ଭିଡିଓ କନଫରେନ୍ସ ଜରିଆରେ ଦିଆଯାଉଛି ତାଲିମ୍। ପ୍ରଥମ ଦିନରେ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ, ସଚିବ ଏବଂ ଓଡ଼ିଶା ସ୍କୁଲ୍ ଶିକ୍ଷା ଅଧିକାରୀ, ଓସେପା ପ୍ରକଳ୍ପ ନିର୍ଦ୍ଦେଶକ ଶିକ୍ଷକ ମାନଙ୍କ ସହ ଆଲୋଚନା କରିଛନ୍ତି। ବିଦ୍ୟାଳୟ ଓ ଗଣ ଶିକ୍ଷା ବିଭାଗ ପକ୍ଷରୁ ଆସନ୍ତା ୫ ଦିନ ଯାଏ ଦିନକୁ ଦୁଇ ଘଣ୍ଟା ଧରି ଟ୍ରେନିଂ ଦିଆଯିବ। ଏସବୁ ଶିକ୍ଷାନଷ୍ଠାନ ଗୁଡ଼ିକରେ ଶିକ୍ଷାଦାନ ଯେପରି କରୋନା ପାଇଁ ପ୍ରଭାବିତ ନ ହଉ ଏବଂ ରେଜଲ୍ଟ ହାର ବଢୁ ସେଥିଲାଗି ଏହି ପଦକ୍ଷେପ ନିଆଯାଇଥିବା କହିଲେ ବିଭାଗୀୟ ମନ୍ତ୍ରୀ ସମୀର ଦାଶ।
