ନୂଆଦିଲ୍ଲୀ,୧୨।୦୯: ୨୦୨୦ ବର୍ଷରେ ଅନେକ ଦୁଃଖଦ ଘଟଣା ଘଟିସାରିଛି । କରୋନା ଯୋଗୁଁ ମୃତ୍ୟୁ ସଂଖ୍ୟା ବଢିବାରେ ଲାଗିଥିବା ବେଳେ ସିନେମା ଦୁନିଆରେ ଅନେକ କଳାକାର ଦୁନିଆକେୁ ଅଲବିଦା କହିସାରିଛନ୍ତି । ଏହାରି ମଧ୍ୟରେ ବଲିଉଡର ସ୍ୱନାମଧନ୍ୟ ଗାୟିକା ଅନୁରାଧା ପାଉଡୱାଲଙ୍କ ପୁଅ ଆଦିତ୍ୟ ପାଉଡୱାଲଙ୍କ ଆଜି ଦେହାନ୍ତ ହୋଇଛି । ମୃତ୍ୟୁ ବେଳକୁ ତାଙ୍କ ମାତ୍ର ୩୫ ବର୍ଷ ବୟସ ହୋଇଥିଲା । ମିଳିଥିବା ସୂଚନା ଅନୁଯାୟୀ , ସେ ଗତ କିଛି ମାସ ଧରି ଅସୁସ୍ଥ ଥିଲେ । କିଡନୀ ସମସ୍ୟା କାରଣରୁ ଆଦିତ୍ୟଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେ ଦୀର୍ଘ ସମୟ ଧରି କିଡନୀ ରୋଗରେ ପୀଡିତ ଥିଲେ । ଆଦିତ୍ୟଙ୍କ ବିୟୋଗରେ ପାଉଡୱାଲ ପରିବାର ଉପରେ ଦୁଃଖରେ ମ୍ରିୟମାଣ ହୋଇଯାଇଛି । ଆଦିତ୍ୟ ମଧ୍ୟ ତାଙ୍କ ମାଙ୍କ ପରି ଭଜନ ଏବଂ ଭକ୍ତି ଗୀତ ଗାଉଥିଲେ ।
ଏକ ଇଣ୍ଟରଭ୍ୟୁରେ ଆଦିତ୍ୟ କହିଥିଲେ ଯେ ସେ ଭକ୍ତି ଗୀତରେ ହିଁ ଧ୍ୟାନ କେନ୍ଦ୍ରିତ କରିବାକୁ ଚାହୁଁଛନ୍ତି । ସେ ଜଣେ ସଂଗୀତ ନିର୍ଦେଶକ ମଧ୍ୟ ଥିଲେ । ଦେଶର ସବୁଠାରୁ କମ ବୟସ ସଂଗୀତ ନିର୍ଦେଶକ ବର୍ଗରେ ଲିମକା ବୁକ ଅଫ ରେକର୍ଡସରେ ସାମିଲ ଅଛି ।
