ଦାରିଙ୍ଗବାଡ଼ି, ୧୯/୮, (ତରଣୀ ସାହୁ) : ଦାରିଙ୍ଗବାଡ଼ି ଥାନା ପର୍ତ୍ତମାହା ପଞ୍ଚାୟତ ଅନ୍ତର୍ଗତ ପେତାରବାଡ଼ି ଗ୍ରାମ ର ଏକ ଯୁବକଙ୍କ ବିଦ୍ୟୁତ ଆଘାତରେ ମୃତ୍ୟୁ ହୋଇଥିବା ଦେଖିବାକୁ ମିଳିଛି । ମୃତ୍ୟୁ ଯୁବକ ଜଣକ ହେଲେ ରଞ୍ଜନ ପ୍ରଧାନଙ୍କ ପୁଅ ଆବେଦନ ପ୍ରଧାନ (୧୯ ) । ଯୁବକ ଜଣକ ବଗୁଟି ଗ୍ରାମରେ ହାତରେ ଲେବେଲ ଧରି ରାସ୍ତା ଲେବେଲ କରୁଥିବା ସମୟରେ ଅଚାନକ ଲେବେଲ ସ୍କେଲ ଟି ୧୧ କେଭି ବିଦ୍ୟୁତ ତାର ସ୍ପର୍ଶରେ ଆସିଥିଲା ଫଳରେ ଗୁରୁତର ହୋଇଥିଲା । ଗୁରୁତ୍ୱର ଅବସ୍ଥାରେ କମ୍ପାନୀ କର୍ମଚାରୀ ଏବଂ ସ୍ଥାନୀୟ ଲୋକଙ୍କ ସହାୟତାରେ ଦାରିଙ୍ଗବାଡି ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ର ରେ ଭର୍ତ୍ତି କରିଥିଲେ । ହେଲେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ । ଖବର ପାଇ ଥାନା ଅଧିକାରୀ ରମେଶ ପ୍ରଧାନଙ୍କ ସମେତ ଏଏସଆଇ ଅର୍ଜୁନ ଶବର ,ଏସଆଇ ବାସନ୍ତୀ ବେହେରା ଘଟଣା ସ୍ଥଳରେ ପହଞ୍ଚି ଘଟଣାର ତଦନ୍ତ କରିଥିଲେ । ଅପମୃତ୍ୟୁ ମାମଲା ୭/୨୪ ରେ ରୁଜୁ କରାଯାଇ ତଦନ୍ତ କରାଯାଉଥିବା ପୋଲିସ ସୂଚନା ଦେଇଛି ।
