ଢେଙ୍କାନାଳ : ସ୍ଥାନୀୟ ଫରେଷ୍ଟ କଲୋନୀରେ ବିସ୍ଫୋରଣ ଘଟି ହାତୀ ଘଉଡ଼ାଇବା ସ୍କ୍ୱାଡ କର୍ମଚାରୀ ସୁଜିତ ନାୟକ ଗୁରୁତର ଆହତ ହୋଇଛନ୍ତି। ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭିର୍ତ୍ତି କରାଯାଇଛି। ଖବର ଅନୁଯାୟୀ ଫରେଷ୍ଟ କଲୋନୀର ଏକ ଘରେ ହାତୀ ଘଉଡାଇବା ପାଇଁ ବାଣ ରଖାଯାଇଥିଲା। ବୁଧବାର ସକାଳେ ସୁଜିତ ସେହି ଘରକୁ ଯାଇଥିବା ବେଳେ ହଠାତ୍ ବିସ୍ଫୋରଣ ହୋଇଥିଲା। ଫଳରେ ଘରର ଆଜବେଷ୍ଟ ଉଡ଼ିଯିବା ସହିତ ଘରର କାନ୍ଥ ଫାଟି ଯାଇଛି। ଏହାଛଡା କଲୋନୀର କିଛି ଲୋକଙ୍କ ଆସବାବ ପତ୍ର ନଷ୍ଟ ହୋଇଥିବା ଜଣାପଡିଛି। । ଘଟଣାସ୍ଥଳରେ ଅଗ୍ନିଶମ କର୍ମଚାରୀ ପହଞ୍ଚି ଉଦ୍ଧାର କାର୍ଯ୍ୟ କରିଥିଲେ । ଏହାସହ ଟାଉନ ଥାନା ଓ ସାଇଣ୍ଟିଫିକ ଟିମ୍ ପହଞ୍ଚି କିପରି ବୋମା ବିସ୍ଫୋରଣ ଘଟିଲା ସେନେଇ ତଦନ୍ତ ଆରମ୍ଭ କରିଛନ୍ତି ।
