କେନ୍ଦୁଝର :(ବିଜୟ କୁମାର ମହାନ୍ତ )କେନ୍ଦୁଝର ଜିଲ୍ଲା ପାଟଣା ବ୍ଲକ ବଡପାଟଣା ଗ୍ରାମ ପଞ୍ଚାୟତ ମାଧପୁର ଗ୍ରାମର ଶୁକ ମୁଣ୍ଡା ଟିବି ରୋଗରେ ପୀଡିତ ହୋଇ ଦୁଇ ଦିନ ପୂର୍ବରୁ ମୃତ୍ୟୁବରଣ କରିଥିଲେ । କୌଣସି କାରଣବଶତଃ ଗ୍ରାମବାସୀମାନେ ଗାଁ ମଶାଣୀରେ ଶବସତ୍କାର ପାଇଁ ବାରଣ କରିଥିଲେ । ଭରସା ପରିବାରର ଆଞ୍ଚଳିକ ସକ୍ରିୟ ସଦସ୍ୟ ଲିପୁନ ମହାନ୍ତ ଓ ଗିରିଜାଶଙ୍କର ମହାନ୍ତ ଏ ସମ୍ପର୍କରେ ସଭାପତି ଲମ୍ବୋଦର ମହାନ୍ତଙ୍କୁ ଜଣାଇଥିଲେ । ସଭାପତିଙ୍କ ପାଖରୁ ସୂଚନା ପାଇ ପାଟଣା ବ୍ଲକ ସଭାପତି ଭରତ ଚନ୍ଦ୍ର ମହାନ୍ତ, ପାଟଣା ବ୍ଲକ ସାଧାରଣ ସମ୍ପାଦକ ବାପୁନ୍ କୁମାର ମହାନ୍ତ, ଉପଦେଷ୍ଟା ପ୍ରେମଚାନ୍ଦ ପୃଷ୍ଟି, ଲିପୁନ ମହାନ୍ତ, ଦଶରଥ ବାରିକ, ବିଜୟ କୁମାର ମହାନ୍ତ ମୃତକଙ୍କ ଘରକୁ ଯାଇ ଶବସତ୍କାର କାର୍ଯ୍ଯରେ ସହଯୋଗ କରିଥିଲେ । ମୃତକଙ୍କ ଦୁଃଖୀ ପରିବାରବର୍ଗଙ୍କୁ ସମବେଦନା ଜଣାଇବା ସହିତ ଶୁଦ୍ଧିକ୍ରିୟା ସହାୟତା ପ୍ରଦାନ କରିବା ପାଇଁ ଆଶ୍ୱାସନା ଦେଇଛନ୍ତି ।
