ଆଠମଲ୍ଲିକ,୨୬/୧୨(ବୁଲୁ ଦଳେଇ): ଅନୁଗୋଳ ଜିଲ୍ଲା ଆଠମଲ୍ଲିକ ନିର୍ବାଚନ ମଣ୍ଡଳୀର କିଶୋର ନଗର ବ୍ଲକ ଅନ୍ତର୍ଗତ ନାକିଚି ଶିବ ମନ୍ଦିର ପ୍ରାଙ୍ଗଣ ରେ ଆଠମଲ୍ଲିକ ନିର୍ବାଚନ ମଣ୍ଡଳୀ ପକ୍ଷରୁ ବିଜୁ ଜନତା ଦଳ ର ୨୮ ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି । କାର୍ଯ୍ୟକ୍ରମ ର ପ୍ରାରମ୍ଭରେ ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ଥିବା ଓଡ଼ିଶା ମାଟି ର ବରପୁତ୍ର ତଥା କଳିଙ୍ଗ ଷଣ୍ଢ ସ୍ବର୍ଗତ ପ୍ରବାଦ ପୁରୁଷ ବିଜୁ ପଟ୍ଟନାୟକ ଙ୍କ ପ୍ରତିମୂର୍ତ୍ତି ଉପରେ ପୁଷ୍ପମାଲ୍ୟ ଅର୍ପଣ କରି ବିଭିନ୍ନ ପ୍ରକାର ଦଳୀୟ ସ୍ଲୋଗାନ ଦେଇ କାର୍ଯ୍ୟକ୍ରମ ଆରମ୍ଭ କରାଯାଇଥିଲା । ଏଥିରେ ଆଠମଲ୍ଲିକ ନିର୍ବାଚନ ମଣ୍ଡଳୀ ବିଧାୟକ ନଳିନୀ କାନ୍ତ ପ୍ରଧାନ ମୁଖ୍ୟ ଅତିଥି ଭାବେ ଯୋଗଦେଇ ଥିବା ବେଳେ, ଜିଲ୍ଲା ପରିଷଦ ଅଧ୍ୟକ୍ଷା ବବିତା ପ୍ରଧାନ, ବରିଷ୍ଠ ନେତା ଭାଗିରଥି ପ୍ରଧାନ ସମ୍ମାନିତ ଅତିଥି ଭାବେ ଯୋଗଦେଇ ଥିଲେ । ନିର୍ବାଚିତ ପ୍ରତିନିଧି ସରପଞ୍ଚ, ସମିତି ସଭ୍ୟ, ଜିଲ୍ଲା ପରିଷଦ ସଭ୍ୟ, ବ୍ଲକ ଅଧ୍ୟକ୍ଷା, ଉପାଧ୍ୟକ୍ଷ ସମେତ ଆଠମଲ୍ଲିକ ନିର୍ବାଚନ ମଣ୍ଡଳୀର ୫୨ ଟି ପଞ୍ଚାୟତ ରୁ ପ୍ରାୟ ଶତାଧିକ ମହିଳା ପୁରୁଷ କର୍ମକର୍ତ୍ତା ମାନେ ଯୋଗଦେଇ କାର୍ଯ୍ୟକ୍ରମ ରେ ଅଂଶ ଗ୍ରହଣ କରିଥିଲେ । ଆଠମଲ୍ଲିକ ର ସାମୁହିକ ବିକାଶ ଦିଗରେ ଧ୍ୟାନ ଦେବା ସହ ବୋଥ ଠାରୁ ବିଧାନ ସଭା ପର୍ଯ୍ୟନ୍ତ ବିଜୁଜନତା ଦଳ କିପରି ସୁଦୃଢ ହୋଇପାରିବ ଓ ଆଗାମୀ ଦିନରେ ପୂର୍ବଭଳି ଓଡିଶାରେ ବିଜେଡି ଦଳ କିପରି ସରକାର ଗଢି ପାରିବ ମୁଖ୍ୟ ଅତିଥି ଓ ସମ୍ମାନିତ ଅତିଥି ଭାବେ ମତ ପ୍ରକାଶ କରିଥିଲେ ।
