ବ୍ରହ୍ମପୁର:୧୨/୧୨(ଶ୍ରୀକାନ୍ତ କୁମାର ବେହେରା): ଆଜି ବ୍ରହ୍ମପୁର ମହାନଗରନିଗମର ୱାର୍ଡ ନମ୍ବର 10,11,12,13,14 ଅଂଚଳରେ ହାଇମେକ୍ସ ଲାଇଟ ଉଦ୍ଘାଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସେହିଭଳି ସହରର ବିଭିନ୍ନ ୱାର୍ଡରେ ରାସ୍ତା ଓ ରାସ୍ତା ପ୍ରଶସ୍ତିକରଣ ଭିତିପ୍ରସ୍ତର ସ୍ଥାପନ କାର୍ଯ୍ୟକ୍ରମ ହୋଇଥିଲା। ସହରବାସୀଙ୍କ ସୁବିଧା ଅଲୋକୀକରଣ ସକାଶେ ନିଗମ ପକ୍ଷରୁ ଷ୍ଟ୍ରଟ ଲାଇଟ ସହ ହାଇମେକ୍ସ ଲାଇଟର ବ୍ୟବସ୍ଥା କରାଯାଇଥିବା ବେଳେ ଏହି କ୍ରମରେ ଆଜି ସମ୍ପୃକ୍ତ ୱାର୍ଡରେ ହାଇମେକ୍ସ ଲାଇଟ ଉଦ୍ଘାଟନ ହୋଇଯାଇଛି। ଏହି ଉଦଘାଟନ କାର୍ଯ୍ୟକ୍ରମରେ ବ୍ରହ୍ମପୁର ବିଧାୟକ ବିକ୍ରମ କୁମାର ପଣ୍ଡା, ମେୟର ସଂଘମିତ୍ରା ଦଳାଇ, ଡେପୁଟି ମେୟର ଇ ବିବେକ ରେଡ୍ଡୀ, ନିଗମ କମିଶନର ଜେ ସୋନାଲଙ୍କ ସମେତ ବହୁ କର୍ପୋରେଟର ଓ ଅଞ୍ଚଳବାସୀ ଉପସ୍ଥିତ ଥିଲେ।
