ଖପ୍ରାଖୋଲ ୦୭/୦୬ ( ରୁପେନ୍ଦ୍ର ମୁଣ୍ଡା ) : ସିଆର୍ପିଏଫ୍ ୧୮୯ ବାଟାଲିଅନ୍ ପକ୍ଷରୁ ଖପ୍ରାଖୋଲ ଠାରେ ବିଶ୍ୱ ପରିବେଶ ଦିବସ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ ଗ୍ରାମବାସୀ, ପର୍ୟ୍ୟଟକ ତଥା ସିଆର୍ପିଏଫ୍ ଅଧିକାରୀ ଓ ଯବାନ୍ ମାନେ ସାମିଲ୍ ହୋଇଥିଲେ । ସିଆର୍ପିଏଫ୍ ସାଧାରଣ ମଣିଷଙ୍କୁ ସୁରକ୍ଷା ଦେବା ସହ ସନ୍ତ୍ରାସ ବାଦୀ ମୁକ୍ତ ସମାଜ ଗଠନ ଦିଗରେ ସର୍ବଦା କାର୍ଯ୍ୟରତ ଥିବା ବେଳେ ଲୋକଙ୍କୁ ସଚେତନ କରିବା ପାଇଁ ତଥା ବିଭିନ୍ନ ପ୍ରକାର ଜନ ହିତକର କାର୍ଯ୍ୟକ୍ରମ ହାତକୁ ନେଇ ଆସୁଛି । ତେବେ ଆଜିର ବିଶ୍ୱ ପରିବେଶ ଦିବସ ପାଳନ ଅବସରରେ ଖପ୍ରାଖୋଲ ଠାରେ ଆୟୋଜିତ କାର୍ଯ୍ୟକ୍ରମରେ ସିଆର୍ପିଏଫ୍ର କମାଣ୍ଡେଣ୍ଟ ପ୍ରଶାନ୍ତ କୁମାର ସାହୁ ଓ ଇନ୍ସପେକ୍ଟର ବାବୁଲ କୁମାର ରୈଏ ମୁଖ୍ୟ ଅତିଥି ଭାବେ ଯୋଗଦାନ କରି ପରିବେଶକୁ ସୁସ୍ଥ ରଖିବା ସହ ଆଗାମୀ ପିଢ଼ିକୁ ଏକ ସୁସ୍ଥ ପରିବେଶ ପ୍ରଦାନ ପାଇଁ ଆହ୍ୱାନ କରିଥିଲେ । ଏହି ଅବସରରେ ବିଭିନ୍ନ କାର୍ଯ୍ୟକ୍ରମର ଆୟୋଜନ ସହ ଖପ୍ରାଖୋଲ ପରିସର ସଫେଇ କରାଯାଇଥିଲା
