ରାଜଗାଙ୍ଗପୁର : (ମନୋଜ ଭୋଳ) ହାତୀ ଓ ମଣିଷ ର କଥା ନୀତି ଦିନ ଶୁଣିବାକୁ ମିଳେ |କେତେବେଳେ ମଣିଷ ହାତରେ ହାତୀ ତ କେତେବେଳେ ହାତୀ ହାବୁଡ଼ରେ ମଣିଷ ନିଜର ଜୀବନ ହରାଇଥାଏ | ଆଜି ରାଜଗାଙ୍ଗପୁର ସହର ରେ ଠିକ ଏଭଳି ଏକ ଅଭାବନୀୟ ଘଟଣା ଘଟିଛି | ହାତୀ ଆକ୍ରମଣ ରେ ଆଜି ଜଣେ ମହିଳା ଙ୍କ ମୃତ୍ୟୁ ଘଟିଥିବା ବେଳେ ଉକ୍ତ ଅଂଚଳ ରେ ଶୋକ ର ଛାୟା ଖେଳି ଯାଇଛି | ପ୍ରାପ୍ତ ସୂଚନା ଅନୁଯାଇ ରାଜଗାଙ୍ଗପୁର ଫରେଷ୍ଟ ରେଞ୍ଜ ଅନ୍ତର୍ଗତ ମାଲିଡିହି ପଞ୍ଚାୟତ ଡୁଡ଼ି ଗ୍ରାମରେ ଜଣେ ମହିଳା ଙ୍କୁ ହାତୀ ଶୁଣ୍ଢ ରେ କଚାଡି ମାରିଦେଇଥିବା ଜଣାପଡିଛି |ମୃତକ ଜଣକ ହେଉଛନ୍ତି ଡୁଡ଼ି ଗ୍ରାମର ସଞ୍ଜୟ ମିଞ୍ଜ ଙ୍କ ସ୍ତ୍ରୀ ଜସ୍ମିନ ମିଞ୍ଜ (୩୩) | ସେ ଆଜି ସଖାଳେ ବାଡ଼ି ପଟ କୁ ଯାଇଥିବା ବେଳେ ପଛ ପଟୁ ହାତୀ ତାଙ୍କୁ ଶୁଣ୍ଡ ରେ ଧରି ତଳେ କଚାଡି ଦେଇଥିଲା ଫଳରେ ଘଟଣା ସ୍ଥଳ ରେ ମହିଳା ଙ୍କ ପ୍ରାଣ ବାୟୁ ଚାଲିଯାଇଥିଲା |ପରିବାର ଲୋକ ଓ ଗ୍ରାମ ଲୋକ ଖୋଜା ଖୋଜି କରିବା ପରେ ହାତୀ ଜସ୍ମିନ ଙ୍କୁ ମାରିଦେଇ ଥିବା ଜଣା ପଡିଛି | ଏ ଘଟଣା ଆଜି ସଖାଳ ୪.୪୫ ମିନିଟ ରେ ଘଟିଥିବା ଜଣା ପଡିଛି | ମହିଳା ଙ୍କ ମୃତ ଶରୀର କୁ ରାଜଗାଙ୍ଗପୁର ସରକାରୀ ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ର କୁ ବ୍ୟବଛେଦ ପାଇଁ ପଠାଯାଇଥିବା ବେଳେ ବ୍ୟବଛେଦ ପରେ ମୃତ ଶରୀର ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ଜଣା ପଡିଛି |
