କାଳୁପଡ଼ା ଘାଟ:-୧୯/୮(ବିନୁ ଦାସ୍):-ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଏବଂ ଟାଙ୍ଗୀ ଅବକାରୀ ଥାନା ଅନ୍ତର୍ଗତ କାଳୁପଡ଼ା ଘାଟ ଜରିପଡ଼ା ଦଧିବାବନ ପୁର ର ବିଶିଷ୍ଟ ମଦ ବ୍ୟବସାୟୀ ସୁରେନ୍ଦ୍ର ବେହେରା ଓରଫ କାଙ୍ଗା କୁ ଗିରଫ କରିବା ସହିତ ବିପୁଳ ପରିମାଣର ଦେଶୀ ମଦ ୫୦୦ ରୁ ଅଧିକ ଆସ୍କା ଫଟି ମଦ ବୋତଲ ଜବତ କରିଛି ଟାଙ୍ଗୀ ପୋଲିସ । ସୂଚନା ମୁତାବକ ଟାଙ୍ଗୀ ଅବକାରୀ ବିଭାଗର ନୀରବତା ଯୋଗୁଁ ସ୍ଥାନୀୟ କାଳୁପଡ଼ା ଘାଟ, ଶୋରଣ,ଟାଙ୍ଗୀ, ଚଣ୍ଡେଶ୍ୱର,ଭୁଷଣ୍ଢପୁର,କୁହୁଡି ଆଦି ଅଞ୍ଚଳରେ ନିଶା କାରବାର ବୃଦ୍ଧି ପାଉଥିଲା । ବଜାର ଘାଟ ଅଞ୍ଚଳରେ ଦିନକୁ ଦିନ ନିଶାଡି ଙ୍କର ଉତ୍ପାତ ବି ଢେର ଚାହିଦା ରହିଥିଲା । କିନ୍ତୁ ଟାଙ୍ଗୀ ଅବକାରୀ ଥାନା କାଁ ଭାଁ ଲୋକ ଦେଖାଣିଆ ଚଢ଼ାଉ କରି ବାହାବା ନେଉଥିବା ବେଳେ ଦିନକୁ ଦିନ ବେକାର ଯୁବକ ମାନେ ନିଶା କାରବାର କୁ ରୋଜଗାର ର ଭଲ ମାଧ୍ୟମ ଭାବି ବ୍ୟବସାୟ କରୁଥିଲେ।
ବିଗତ କିଛି ଦିନ ହେବ ଟାଙ୍ଗୀ ଥାନା ଆଇଆଇସି ଭାବେ ଦିଗ୍ ବିଜୟ ବିଶ୍ବାଳ ଯୋଗ ଦେଇ ସ୍ଥାନୀୟ ଜନସାଧାରଣ ଙ୍କର ପ୍ରିୟଭାଜନ ହୋଇପାରିଛନ୍ତି । ଟାଙ୍ଗୀ ଥାନାରେ ଯୋଗ ଦେଉ ଦେଉ ନିଶା ମାଫିଆ ଏବଂ ପଥର ଖଣି ମାଫିଆଙ୍କ ନିଦ ହଜିଯାଇଛି । କିନ୍ତୁ ପୋଲିସ ଯେତିକି ଚାଲାକ ତା ଠାରୁ ଅଧିକ ଚଲାକ ନିଶା ମାଫିଆ । କିଛି ସ୍ଥାନରେ ସିସିଟିଭି ଲଗେଇ ପୋଲିସ ର ଗତିବିଧି ଦେଖି ଖୁଲମଖୁଲା ବ୍ୟବସାୟ କରୁଛନ୍ତି ତ ପୁଣି କେହି କେହି ଜଗୁଆଳି ଲଗେଇ ବ୍ୟବସାୟ ଆରମ୍ଭ କରିଛନ୍ତି କିନ୍ତୁ ଏସବୁ ଭିତରେ ଜରିପଡ଼ା ଅଞ୍ଚଳ ର ଜଣାଶୁଣା ମଦ ବ୍ୟବସାୟୀ କାଙ୍ଗା କୁ ଗିରଫ କରିଛି ଟାଙ୍ଗୀ ପୋଲିସ । ଦେଶୀ ମଦ ୪୦ ଲିଟର ଜବତ କରିବା ସହିତ ଅଭିଯୁକ୍ତ କାଙ୍ଗା କୁ ୪୩୫/୨୨ ରେ ମାମଲା ରୁଜୁ କରି କୋର୍ଟ ଚାଲାଣ କରିଛି ଟାଙ୍ଗୀ ପୋଲିସ । ଏତାଦୃଶ ଆଖି ଦୃଷ୍ଟିଆ ପଦକ୍ଷେପକୁ ସ୍ଥାନୀୟ ଜନସାଧାରଣ ଜନପ୍ରିୟ ଥାନାଧିକାରୀ ଦିଗ୍ ବିଜୟ ବିଶ୍ୱାଳଙ୍କୁ ଧନ୍ୟବାଦ ଜଣାଇଛନ୍ତି।କିନ୍ତ ବଡ଼ ବଡ଼ ନିଶା ମାଫିଆଙ୍କ ବ୍ୟବସାୟ ଏବେବି ବଜାର ଘାଟ ଅଞ୍ଚଳରେ ଚାଲୁଥିବା ଜଣାପଡିଛି । ଏମାନଙ୍କୁ ଲଗାମ କେବେ ଲାଗିବ ତାହା ଦେଖିବାର ଅଛି।
