କାଳୁପଡ଼ା ଘାଟ, ୨୩/୦୬(ବିନୁ ଦାସ୍) ଆଗକୁ ଅଳ୍ପଦିନ ରହିଲା ତ୍ରିସ୍ତରୀୟ ପଞ୍ଚାୟତି ରାଜ ନିର୍ବାଚନ । ବିଗତ ଦୁଇଦିନ ତଳେ ମୁଖ୍ୟ ନିର୍ବାଚନ କମିଶନଙ୍କ ସୂଚନା ଅନୁଯାୟୀ କରୋନା ମହାମାରୀ ଯୋଗୁଁ ଆବଶ୍ୟକତା ହେଲେ ଘୁଞ୍ଚିପାରେ ପଞ୍ଚାୟତ ନିର୍ବାଚନ କିନ୍ତୁ ଏବେଠାରୁ ରାଜନୈତିକ ମହଲରେ ଅଙ୍କକଷା ଆରମ୍ଭ ହୋଇଗଲାଣି । ଖୋର୍ଦ୍ଧା ଜିଲ୍ଲା ଚିଲିକା ନିର୍ବାଚନ ମଣ୍ଡଳୀର ଚିଲିକା ବ୍ଲକ ଅଧିନସ୍ଥ କଳକଳେଶ୍ୱର ଗ୍ରାମ ପଞ୍ଚାୟତର ପୂର୍ବତନ ବିଜେପି ସରପଞ୍ଚ ଦୀନବନ୍ଧୁ ଜେନା ଆଜି ଭୁବନେଶ୍ୱର ସ୍ଥିତ ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବଙ୍କ ବାସଭବନରେ ବିଜେପି ଛାଡି ବିଜୁ ଜନତା ଦଳରେ ସାମିଲ ହୋଇଛନ୍ତି।
କୋଭିଡ କଟକଣା ଦୃଷ୍ଟିରୁ ସାମାଜିକ ଦୂରତ୍ୱକୁ ପ୍ରାଧାନ୍ୟ ଦେଇ ଏହି ସାମିଲ ପର୍ବ ଚିଲିକା ବିଧାୟକଙ୍କର ବାସଭବନ ରେ ଅନୁଷ୍ଠିତ ହୋଇଯାଇଛି । ଏହି ସାମିଲ ପର୍ବରେ ଚିଲିକା ବିଜେଡିର ଜୟନ୍ତ ପ୍ରଧାନ, ପୂର୍ବତନ ସରପଞ୍ଚ ହରି ପ୍ରଧାନ ଏବଂ ଶୁରେଶ ସାମନ୍ତରା ପ୍ରମୁଖ ଉପସ୍ଥିତ ରହି ଚିଲିକା ବିଧାୟକଙ୍କୁ ଆଗାମୀ ନିର୍ବାଚନ ବୈତରଣୀ ନଦୀରେ ନିଶ୍ଚିତ ବିଜୟ ଲାଭ କରିବେ ବୋଲି ବିଧାୟକଙ୍କୁ ପ୍ରତିଶ୍ରୁତି ଦେଇଛନ୍ତି । ଏହି ମିଳନ ପର୍ବରେ ବହୁ ଯୁବନେତା ଯୋଗଦେଇଥିଲେ । ମିଳନ ପର୍ବର ସୂତ୍ରଧର ବର୍ତ୍ତମାନ କଳ କଳେଶ୍ୱର ସରପଞ୍ଚ ଅସିତ୍ ନାଥ୍ ସମସ୍ତ ଦାୟିତ୍ୱ ନେବା ସହ ଆଗାମୀ ଦିନରେ ପଞ୍ଚାୟତ ନିର୍ବାଚନ ମଇଦାନକୁ ବିଜୁ ଜନତା ଦଳ ସମ୍ପୂର୍ଣ୍ଣ ରୂପେ ପ୍ରସ୍ତୁତ ଏବଂ ବିଜୟ ଲାଭ କରିବ ବୋଲି ଅସିତ୍ ନାଥ୍ କହିଛନ୍ତି।
