ଭୁବନେଶ୍ଵର : ଦେଶରେ ପୁଣି ବଢିଲା ପେଟ୍ରୋଲ ଓ ଡିଜେଲ ମୂଲ୍ୟ। ଆଜି ପେଟ୍ରୋଲ ଓ ଡିଜେଲ ୨୫ ପଇସା ମହଙ୍ଗା ହୋଇଛି। ଶନିବାର ତେଲ ଦର ବଢିବା ପରେ ଦିଲ୍ଲୀରେ ପେଟ୍ରୋଲ ଲିଟର ୮୫.୭୦ ଓ ଡିଜେଲ ୭୫.୮୮ ଟଙ୍କା ହୋଇଛି। ଇଣ୍ଡିଆନ ଅଏଲ ତାଲିକା ଅନୁଯାୟୀ ଓଡ଼ିଶାର ଭୁବନେଶ୍ୱରରେ ପେଟ୍ରୋଲ ୮୬. ୩୮ ଓ ଡିଜେଲ ୮୨ ଟଙ୍କା ୬୮ ପଇସାରେ ବିକ୍ରି ହେଉଛି। ଭାଟ ଅନୁସାରେ ଦରରେ ତାରତମ୍ୟ ରହିଥିବା ବେଳେ ମାଲକାନଗିରିରେ ପେଟ୍ରୋଲ ୯୧.୪୨ ଓ ଡିଜେଲ ୮୭.୫୬ ଟଙ୍କା ହୋଇଛି। ସମ୍ବଲପୁରରେ ପେଟ୍ରୋଲ ୮୬.୯୭ ଓ ଡିଜେଲ ୮୩.୨୭, ବାଲେଶ୍ଵରରେ ପେଟ୍ରୋଲ ୮୬.୩୭ ଓ ଡିଜେଲ ୮୨ ଟଙ୍କା ୬୯ ପଇସା ବିକ୍ରି ହେଉଛି।
