ହରିଚନ୍ଦନପୁର,(ରତିକାନ୍ତ ମହାନ୍ତ ) କେନ୍ଦୁଝର ଜିଲ୍ଲା ହରିଚନ୍ଦନପୁର ବ୍ଲକ ଅନ୍ତର୍ଗତ ଗୁଣ୍ଡିଚାଘାଗୀ ଜଳପ୍ରପାତ ନିକଟରେ ବରିଷ୍ଠ ସାମ୍ବାଦିକ ଘନଶ୍ୟାମ ଜେନାଙ୍କ ସଭାପତିତ୍ବରେ ହରିଚନ୍ଦନପୁର ପ୍ରେସ କ୍ଲବର ନୂତନ କର୍ମକର୍ତ୍ତା ଚୟନ ହୋଇଯାଇଛି । ବୈଠକରେ ନୂତନ ସାମ୍ବାଦିକ ସଦସ୍ୟଙ୍କୁ ସ୍ଵାଗତ ସମ୍ବର୍ଦ୍ଧନା, ପ୍ରେସ କ୍ଲବର ନୂତନ କର୍ମକର୍ତ୍ତା ଚୟନ ଏବଂ ବାର୍ଷିକ ଉତ୍ସଵର ପୂର୍ବ ପ୍ରସ୍ତୁତି ଓ ଦାୟିତ୍ଵ ପ୍ରସଙ୍ଗରେ ଆଲୋଚନା ହୋଇଥିଲା । ସର୍ବ ସମ୍ମତି କ୍ରମେ ହରିଚନ୍ଦନପୁର ପ୍ରେସ କ୍ଲବର ନୂତନ ସଭାପତି ଭାବେ ବରିଷ୍ଠ ସାମ୍ବାଦିକ ଶ୍ରୀ ନିବାସ ପାଇକରାୟ ମନୋନୀତ ହୋଇଥିବା ବେଳେ ଉପ ସଭାପତି ପ୍ରେମାନନ୍ଦ ଦାସଙ୍କୁ ମନୋନୀତ କରାଯାଇଛି । ସେହିପରି ସମ୍ପାଦକ ଭାବେ ପ୍ରଶାନ୍ତ କୁମାର ନାୟକ ଓ ଯୁଗ୍ମ ସମ୍ପାଦକ ଭାବେ ରାମଚନ୍ଦ୍ର ନାଏକ ମନୋନୀତ ହୋଇଛନ୍ତି । ଠିକ୍ ସେହିପରି କୋଷାଧ୍ୟକ୍ଷ ଭାବେ ଦିତୀୟ ଥର ପାଇଁ ପରେଶ କୁମାର ସେଠୀଙ୍କୁ ଦାୟିତ୍ଵ ଅର୍ପଣ କରାଯାଇଛି । ଅନ୍ୟପଟେ ଆସନ୍ତା ଜୁନ ମାସ ୪ ତାରିଖରେ ପ୍ରେସ କ୍ଳବର ଦ୍ୱିତୀୟ ବାର୍ଷିକ ଉତ୍ସବ ପାଳନ କରୁଥିବା ବେଳେ କିପରି ସୁଚାରୁରୂପେ ପରିଚାଳନା କରାଯିବ ସେ ପ୍ରସଙ୍ଗରେ ଆଲୋଚନା ହୋଇଥିଲା । ଚଳିତ ବର୍ଷ ବାର୍ଷିକ ଉତ୍ସବରେ ପ୍ରେସ କ୍ଳବର ପୂର୍ବତନ ସଭାପତି ପ୍ରଶାନ୍ତ ନାୟକଙ୍କ ନେତୃତ୍ୱରେ ପରିଚାଳନା ହେବ ବୋଲି ସର୍ବ ସମ୍ମତି କ୍ରମେ ନିଷ୍ପତି ହୋଇଛି । ଏଥି ସହିତ ବାର୍ଷିକ ଉତ୍ସବ ପରେ ଚୟନ ହୋଇଥିବା ନୂତନ ପ୍ରେସ କ୍ଳବ କର୍ମକର୍ତ୍ତା ଦାୟିତ୍ଵ ଗ୍ରହଣ କରି ସମସ୍ତ କାର୍ଯ୍ୟ ସମ୍ପାଦନ କରିବେ । ପ୍ରେସ କ୍ଲବରେ ଯୋଡ଼ି ହୋଇଥିବା ନୂତନ ସାମ୍ବାଦିକ ସଦସ୍ୟଙ୍କୁ କ୍ଳବ ପକ୍ଷରୁ ଫୁଲ ତୋଡା ଦେଇ ସ୍ଵାଗତ ସମ୍ବର୍ଦ୍ଧନା କରାଯାଇଥିଲା । ବୈଠକରେ ଲକ୍ଷ୍ମଣ କୁମାର ମହାନ୍ତ, ଅନିଲ ସାହୁ, କୃଷ୍ଣ ଚନ୍ଦ୍ର ବେହେରା, ହିମାଂଶୁ ଶେଖର ଦାସ, ଘନଶ୍ୟାମ ଜେନା,ଜଗବନ୍ଧୁ ବାରିକ,ଜଗବନ୍ଧୁ ମହାନ୍ତ,ରତିକାନ୍ତ ମହାନ୍ତ,ନିତ୍ୟାନନ୍ଦ ସାହୁ,ନିଗମ ପ୍ରସାଦ ସାହୁ,ଚନ୍ଦନ ନାୟକ, ଜୀବନ ଜ୍ୟୋତି ବେଜ, ଭବାନୀ ପ୍ରସାଦ ମହାନ୍ତ, ତନ୍ମୟ କୁମାର ସାହୁ,ଉଦୟ ପାତ୍ର,ବିଦ୍ୟାଧର ମହାନ୍ତ ପ୍ରମୁଖ ଉପସ୍ଥିତ ନିଜର ସହଯୋଗ କରିଥିଲେ ।
