ଟାଙ୍ଗୀ-୦୩/୦୬(ବିନୁ ଦାସ୍): ପୋଲିସ ଭ୍ୟାନ କୁ ପଛପଟୁ ଧକ୍କା ଦେଲା କଣ୍ଟେନର୍ । ଜଟଣୀ ଥାନା ଭ୍ୟାନ ଏକ ରେଡ୍ ନେଇ ଆସାମୀକୁ ଧରିବା ପାଇଁ ଖୋର୍ଦ୍ଧା ଜିଲ୍ଲାର ଟାଙ୍ଗୀ ଥାନା ଅନ୍ତର୍ଗତ ଚଣ୍ଡେଶ୍ୱର ଛକ ନିକଟରେ ଥିବା କୁହୁଡି-ଦୀକ୍ଷିତପଡା ଗାଁ କୁ ଆସୁଥିଲା , ଜାତୀୟ ରାଜପଥର ଚଣ୍ଡେଶ୍ୱର ଛକ ନିକଟରେ ହୋଇଛି ଦୁର୍ଘଟଣା । ଗତକାଲି ବିଳମ୍ବିତ ରାତ୍ରରେ ଏହି ଦୁର୍ଘଟଣା ଘଟିଥିଲା । ରାସ୍ତା କଡରେ ଟାଙ୍ଗୀ ଥାନା ଏବଂ ଜଟଣୀ ଥାନା ଭ୍ୟାନ ଅଟକି ରହି ଏକ ଅଭିଯୁକ୍ତକୁ ଧରପଗଡ ପାଇଁ ବ୍ଲୁ ପ୍ରିଟ୍ଂ ପ୍ରସ୍ତୁତ କରୁଥିବା ବେଳେ ଜଟଣୀ ଥାନା ଭ୍ୟାନ କୁ ପଛପଟୁ ଧକ୍କା ଦେଲା ଏକ କଣ୍ଟେନର୍ । ଦୁର୍ଘଟଣା ରେ ଜଟଣୀ ଥାନା ଭ୍ୟାନ ମଧ୍ୟରେ ଥିବା ସମସ୍ତ ପୋଲିସ ମଧ୍ୟରୁ ଚାରି ଜଣ ଆହତ ହୋଇଛନ୍ତି , ଆହତ ପରେ ସେମାନଙ୍କୁ ପ୍ରଥମେ ଟାଙ୍ଗୀ ମେଡିକାଲ ପରେ ଖୋର୍ଦ୍ଧା ମେଡିକାଲ କୁ ସ୍ଥାନାନ୍ତର କରାଯାଇଛି । ଆହତ ମଧ୍ୟରେ ଜଟଣୀ ଥାନା ର ସବ୍-ଇନ୍ସପେକ୍ଟର ଏବଂ ଫୋର୍ସ ପୋଲିସ ସହ ଜଣେ ମହିଳା ସୁରକ୍ଷା କର୍ମୀ ଥିବାର ସୂଚନା ମିଳିଛି।
