ବାଲିଗୁଡା,୦୧/୦୪ (ସଞ୍ଜୟ କୁମାର ପାଣିଗ୍ରାହୀ):କନ୍ଧମାଳ ଜିଲ୍ଲା ବାଲିଗୁଡ଼ା ବିଜ୍ଞାପିତ ଅଞ୍ଚଳ ପରିଷଦ ୫ ନମ୍ବର ୱାର୍ଡ ନୂଆସାହି ର ସୁନାଦଡ଼ି ସାହିରେ ଯୁବକଙ୍କ ସନ୍ଦେହ ଜନକ ମୃତ୍ୟୁ ହୋଇଥିବା ଜଣାପଡିଛି l ଯୁବକ ଜଣେ ହେଲେ ନୟାଗଡ଼ ନିକଟସ୍ଥ ମାଙ୍କପାଲି ଶିମିଳିସାହିର ବିକ୍ରମ କୁମାର ମହାନ୍ତି, ପିତା ଜଗନାଥ ମହାନ୍ତି ବୋଲି ଜଣାପଡ଼ିଛି |ସୁନାଦଡ଼ି ସାହି ର ଲୋକ କହିବା ଅନୁସାରେ ରାଇକିଆର ଗୋଟିଏ ମହିଳାଙ୍କୁ ବିବାହ କରିଥିଲେ l ସେହି ମହିଳା ଙ୍କ ନାମ ରାଜକୁମାରୀ ପ୍ରଧାନ ବୋଲି ଲୋକେ କହିଛନ୍ତି l ରାଜ କୁମାରୀ ପ୍ରଧାନ ସୁନାଦଡ଼ି ସାହିରେ ଘର କରି ରହୁଥିଲେ l ବର୍ତ୍ତମାନ ଗୋଟିଏ ବର୍ଷ ହେବ ରାଜକୁମାରୀ ସେହି ଘରେ ରହୁ ନାହାନ୍ତି l ଗତକାଲି ଗୁରୁବାର ରାତିରେ ବିକ୍ରମ ଆସି ଉକ୍ତ ଘରେ ପହଂଚିଥିଲେ, ଦିନ ବେଳେ ବିକ୍ରମ ପିଣ୍ଡା ରେ ପଟି ପକାଇ ଶୋଇଛନ୍ତି ହେଲେ ଆଉ ଉଠି ନାହାନ୍ତି ବୋଲି ସାହିର ଲୋକ ପୁଲିସ କୁ ଜଣାଇଛନ୍ତି l ଖବର ପାଇ ଘଟଣା ସ୍ଥଳରେ ବାଲିଗୁଡ଼ା ପୁଲିସ ଏସଆଇ କୁଳମଣି ରାଉତ ଏବଂ ପୁଲିସ କର୍ମଚାରୀ ପହଞ୍ଚି ମୁତ୍ୟୁ ଶରୀର କୁ ଜବତ କରି ତଦନ୍ତ ଆରମ୍ଭ କରିଛନ୍ତି l
