ପୁରୀ, ୨୭ ତାରିଖ ଦିନ ପୁରୀ ବାଲିଘାଇ ଠାରେ ଅନୁଷ୍ଠିତ ହୋଇଯାଇଥିବା ବିଜୁ ଛାତ୍ର ଜନତା ଦଳର ରାଜ୍ୟ ସ୍ତରୀୟ ପ୍ରଶିକ୍ଷଣ ଶିବିର ରେ ଛାତ୍ର ଜନତା ଦଳର ବିଭିନ୍ନ ବର୍ଗରେ କୃତିତ୍ୱ ହାସଲ କରିଥିବା ଛାତ୍ର ନେତା ମାନଙ୍କୁ ସମ୍ମାନିତ କରାଯାଇଛି । ଏହି ଅବସରରେ ରାଜ୍ୟର ଶ୍ରେଷ୍ଠ ୧ନମ୍ବର ପର୍ଯ୍ୟବେକ୍ଷକ ଭାବେ ବିଜୁ ଛାତ୍ର ଜନତା ଦଳ ର ରାଜ୍ୟ ସାଧାରଣ ସମ୍ପାଦକ ମିକୁ ପ୍ରଧାନ ଙ୍କୁ ସମ୍ମାନିତ କରାଯାଇଛି । ଗତ ଅଗଷ୍ଟ ୫ ତାରିଖ ରୁ ୧୦ ତାରିଖ ପର୍ଯ୍ୟନ୍ତ ବିଜୁ ଛାତ୍ର ଜନତା ଦଳ ର ରାଜ୍ୟ ବ୍ୟାପି କର୍ମକର୍ତ୍ତା ବୈଠକ ଅନୁଷ୍ଠିତ ହୋଇଥିଲା । ଏହି ଅବସରରେ ବିଜୁ ଛାତ୍ର ଜନତା ଦଳର ରାଜ୍ୟ କର୍ମକର୍ତ୍ତା ମାନଙ୍କୁ ରାଜ୍ୟର ୩୫ଟି ସାଙ୍ଗଠନିକ ଜିଲ୍ଲାକୁ ପର୍ଯ୍ୟବେକ୍ଷକ ଭାବେ ପଠା ଯାଇଥିଲା । ଏହି ଅବସରରେ ଦଳ ତରଫ ରୁ ତାଙ୍କୁ କନ୍ଧମାଳ ଜିଲ୍ଲା ର ପର୍ଯ୍ୟବେକ୍ଷକ ଭାବେ ଦାୟିତ୍ଵ ଦିଆ ଯାଇଥିଲା । ଏହି ଦାୟିତ୍ଵକୁ ସୁଚାର ରୂପେ ସମ୍ପନ୍ନ କରିଥିବା ରୁ ତାଙ୍କୁ ଦଳ ତରଫ ରୁ ପୁରସ୍କୃତ କରଯାଇଛି । ସେହିପରି ବିଜୁ ଛାତ୍ର ଜନତା ଦଳ ର ବରିଷ୍ଠ ଉପ ସଭାପତି ଶ୍ରୀ ବିଶ୍ଵ ପ୍ରତାପ ସାହୁ ଦ୍ୱିତୀୟ ଏବଂ ବିଜୁ ଛାତ୍ର ଜନତା ଦଳର ରାଜ୍ୟ ଉପ ସଭାପତି ପ୍ରଦୋଷ ପରିଡ଼ା ତୃତୀୟ ଶ୍ରେଷ୍ଠ ପର୍ଯ୍ୟବେକ୍ଷକ ଭାବେ ମନୋନୀତ ହୋଇଛନ୍ତି। ଏହି ପୁରସ୍କାର ପାଇବା ପରେ ଶ୍ରୀ ପ୍ରଧାନଙ୍କୁ ଦଳ ର ବିଭିନ୍ନ ମହଲରୁ ଅଭିନନ୍ଦନର ସୁଅ ଛୁଟୁଛି। ଏହି ଅବସରରେ ଗଣମାଧ୍ୟମ ପାଖରେ ପ୍ରତିକ୍ରିୟା ରଖି ଶ୍ରୀ ପ୍ରଧାନ କହିଛନ୍ତି ଏହି ସଫଳତା ପାଇଁ ଭାରତ ବର୍ଷର ଲୋକ ପ୍ରିୟ ମୁଖ୍ୟମନ୍ତ୍ରୀ ତଥା ଦଳର ସଭାପତି ଶ୍ରୀଯୁକ୍ତ ନବୀନ ପଟ୍ଟନାୟକ ‚ ଦଳର ସାଂଗଠାନିକ ସମ୍ପାଦକ ଶ୍ରୀ ପ୍ରଣବ ପ୍ରକାଶ ଦାସ ଏବଂ ବିଜୁ ଛାତ୍ର ଜନତା ଦଳ ର ରାଜ୍ୟ ସଭାପତି ଶ୍ରଯୁକ୍ତ ଦେବୀ ରଞ୍ଜନ ତ୍ରିପାଠୀ ଙ୍କ ନିକଟରେ କୃତଜ୍ଞତା ଜଣାଇବା ସହ ସମସ୍ତ ସହଯୋଗୀ ଓ ଛାତ୍ର ଜନତାର ସମସ୍ତ କର୍ମକର୍ତ୍ତା ଙ୍କୁ ଧନ୍ୟବାଦ ଜ୍ଞାପନ କରିଛନ୍ତି । ଏହି ପୁରସ୍କାର ତାଙ୍କୁ ଆଗାମୀ ଦିନରେ ରାଜ୍ୟର ବିଭିନ୍ନ ବର୍ଗର ଛାତ୍ରଛାତ୍ରୀ ମାନଙ୍କ ପାଇଁ କାମ କରିବା ପାଇଁ ମୋତେ ଉତ୍ସାହିତ କରିବା ସହିତ ପ୍ରେରଣା ଯୋଗାଇବ।
