ଢେଙ୍କାନାଳ,୦୧/୦୮: ଢେଙ୍କାନାଳ ସହରର ସ୍ଥାନୀୟ ସାମ୍ବାଦିକ ଭବନ ମଧ୍ୟରେ ଓଡିଶା ପ୍ରଗତିଦଳ ର ଜିଲ୍ଲା ସ୍ଥାରୀୟ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି । ଆଜିର ଏହି ସମୀକ୍ଷା ବୈଠକରେ ମୁଖ୍ୟ ଅତିଥି ରୂପେ ଓଡିଶା ପ୍ରଗତି ଦଳ ର ରାଜ୍ୟ ମହା ସଚିବ ତରୁଣ ପତି ଯୋଗ ଦେଇ କର୍ମକର୍ତ୍ତା ମାନଙ୍କୁ ଦଳକୁ ତୃଣମୂଳ ସ୍ଥାରରେ ମଜଭୁତ କରିବା ପାଇଁ ଆହ୍ୱାନ କରିଥିଲେ । ଓଡିଶା ବିଜୁ ଜନତା ଦଳର ଦୀର୍ଘ 22ବର୍ଷର ଶାସନ କାଳ ମଧ୍ୟରେ ଓଡିଶା ବାସୀଙ୍କୁ ଗରିବତ୍ଵ ଆଡକୁ କିଭଳି ଭାବେ ଠେଲି ଦେଇଛି ତାହାକୁ ନେଇ କ୍ଷୋବ ପ୍ରକାଶ କରିବା ସହ ଯଦି ଆସନ୍ତା 2024 ମସିହା ସାଧାରଣ ନିର୍ବାଚନରେ ଓଡିଶା ପ୍ରଗତି ଦଳ ଶାସନ କୁ ଆସେ ତେବେ ଓଡିଶା ବାସୀଙ୍କୁ ସ୍ୱାବଲମ୍ବୀ କରାଇବ ବୋଲି ଦୃଢୋକ୍ତି ପ୍ରକାଶ କରିଛନ୍ତି । ଓଡିଶା କୁ ଏକ ସ୍ୱତନ୍ତ୍ର ରାଜ୍ୟ ଗଠନ କରିବାକୁ ଓଡିଶା ପ୍ରଗତି ଦଳ ଆଶା ବ୍ୟକ୍ତ କରିଛି ଏଥି ସହ ଦଳକୁ ମଜଭୁତ କରିବା ସହ ସଦସ୍ୟ ସଂଖ୍ୟା ବୃଦ୍ଧି କରିବାକୁ ସଦସ୍ୟ ମାନଙ୍କୁ ଉସ୍ଛାହିତ କରାଯାଇଥିଲା । ଆଜିର ଏହି ବୈଠକରେ ଢେଙ୍କାନାଳ ଜିଲ୍ଲା ସଭାପତି ପ୍ରତାପ କୁମାର ପଣ୍ଡା ମଞ୍ଚ ପରିଚାଳନା କରିଥିଲେ । ଅନ୍ୟ ଅତିଥୀମାନଙ୍କ ମଧ୍ୟରେ ରାଜ୍ୟ ସଂଖ୍ୟାଲଘୁ ସେଲ ସଭାପତି ଫରିଦ୍ ମହାମଦ, ରାଜ୍ୟ ସମ୍ପାଦକ ନୁରୂଲ ଇସଲାମ, ରାଜ୍ୟ ସହ ସମ୍ପାଦକ ତଥା ଢେଙ୍କାନାଳ ପର୍ଯ୍ୟବେକ୍ଷକ ଶେଖ ନିଜାମ, ଜିଲ୍ଲା ଆଇନ ସେଲ ସଭାପତି ଜଂଗଞେଶ୍ୱର ମିଶ୍ର, ଜିଲ୍ଲା ମହିଳା ସଭାପତି ପୁଷ୍ପାଞ୍ଜଳି ରଣା ଙ୍କ ସମେତ ଅନ୍ୟ କର୍ମକର୍ତ୍ତା ବୃନ୍ଦ ଉପସ୍ଥିତ ରହି ଆଜିର ସମୀକ୍ଷା ବୈଠକ କୁ ସଫଳ କରିଥିଲେ ।
