ଚିଲିକା:-୨୬/୩(ବିନୁ ଦାସ୍):-ପୌର ନିର୍ବାଚନ ପରିପ୍ରେକ୍ଷୀରେ ଖୋର୍ଦ୍ଧା ଜିଲ୍ଲା ଚିଲିକା ନିର୍ବାଚନ ମଣ୍ଡଳୀ ଅନ୍ତର୍ଗତ ବାଲୁଗାଁ ଏବଂ ବାଣପୁର ଉଭୟ ଏନଏସିରେ ବିଜେଡ଼ି ବିଜୟ ଲାଭ କରିଛି। ବାଲୁଗାଁ ପୌର ପରିଷଦର ପୋୖରାଧକ୍ଷ ପାଇଁ ବିଜୁ ଜନତା ଦଳର ପ୍ରାର୍ଥୀନୀ ସୁକାନ୍ତି ପାଇକରାୟ ୪୭୧୦ ଖଣ୍ଡ ଭୋଟ ପାଇ ୩୨୩ ଭୋଟ ବ୍ୟବଧାନରେ ବିଜୟୀ ହୋଇଥିବା ବେଳେ ନିକଟତମ ପ୍ରତିଦ୍ୱନ୍ଦୀ ବିଜେପି ଦଳ ପକ୍ଷରୁ ପ୍ରତିଦ୍ୱନ୍ଦୀ ସ୍ୱପ୍ନା ବଡ଼ଜେନାଙ୍କୁ ପରାସ୍ତ କରିଛନ୍ତି।କଂଗ୍ରେସ ପ୍ରାର୍ଥୀନୀ କମଳି ପ୍ରଧାନ ସମୁଦାୟ ୧୦୧ ଭୋଟ ପାଇଛନ୍ତି।
ସେହିଭଳି ବାଣପୁର ପୋୖର ପରିଷଦ ଅଧକ୍ଷ ପାଇଁ ପ୍ରତିଦ୍ୱନ୍ଦୀତା କରୁଥିବା ବିଜୁ ଜନତା ଦଳର ପ୍ରାର୍ଥୀ ମିଟୁ ନାୟକ ୪୮୬୯ ଖଣ୍ଡ ଭୋଟ ପାଇ ନିକଟତମ ପ୍ରତିଦ୍ୱନ୍ଦୀ ନନ୍ଦ କିଶୋର ମିଶ୍ର ଙ୍କୁ ପରାସ୍ତ କରି ୪୪୭ ଭୋଟ ବ୍ୟବଧାନ ରେ ମିଟୁ ନାୟକ ବିଜୟୀ ହୋଇଛନ୍ତି।ସେହିଭଳି କଂଗ୍ରେସ ଦଳ ପକ୍ଷରୁ ବିଜୟ ରଥ ୯୪ ଖଣ୍ଡ ଭୋଟ ପାଇଛନ୍ତି।
ଉଭୟ ପ୍ରାର୍ଥୀ ଙ୍କ ବିଜୟରେ ପୂର୍ବତନ ବିଧାୟକ ଚିଲିକା ରଘୁନାଥ ସାହୁଙ୍କ ବଡ଼ ଭୂମିକା ଥିବା ନେଇ ଅଞ୍ଚଳବାସୀ ମତାମତ ଦେଇଛନ୍ତି।ବିଗତ କିଛି ମାସ ହେବ ଚର୍ଚ୍ଚାର କେନ୍ଦ୍ରବିନ୍ଦୁ ଥିବା ଚିଲିକା ନିର୍ବାଚନ ମଣ୍ଡଳୀ ରେ ବିଜେଡ଼ି ର ବିଜୟ ଦଳୀୟ ସୁପ୍ରିମ ନବୀନ ପଟ୍ଟନାୟକଙ୍କୁ ଶ୍ରେୟ ଦେଇଛନ୍ତି ଦଳୀୟ ବିଜେଡି କର୍ମୀ।
