ଭୁବନେଶ୍ଵର ୨୨/୦୭ : ଆଜି ଶପଥ ନେଇଛନ୍ତି ଓଡିଶାର ୪ ନବନିର୍ବାଚିତ ରାଜ୍ୟସଭା ସାଂସଦ । ଓଡ଼ଶାର ୪ ସଦସ୍ୟ ସୁବାସ ସିଂ, ମୁନ୍ନା ଖାଁ, ମମତା ମହନ୍ତ ଓ ସୁଜିତ କୁମାର ଶପଥ ହାଉସ ଚାମ୍ବରରେ ଶପଥ ପାଠ କରିଛନ୍ତି ।ସଂସଦର ଅଧିବେଶନ ଚାଲୁନଥିବାରୁ ରାଜ୍ୟସଭା ହାଉସ ଚାମ୍ବରରେ ନବ ନିର୍ବାଚିତ ସଦସ୍ୟମାନେ ଶପଥ ନେଇଛନ୍ତି । ଏହି ୪ ସାଂସଦଙ୍କୁ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଏମାନଙ୍କ ବ୍ୟତୀତ ଶପଥ ନେଇଥିବା ସାଂସଦଙ୍କ ମଧ୍ୟରେ ରହିଛନ୍ତି ବିଜେପିର ଜ୍ୟୋତିରାଦିତ୍ୟ ସିନ୍ଧିଆ, କଂଗ୍ରେସର ଦିଗବିଜୟ ସିଂହ ଓ କଂଗ୍ରେସର ମଲ୍ଲିକାର୍ଜୁନ ଖାଡଗେଙ୍କ ଭଳି ପ୍ରମୁଖ ନେତା। ରାଜ୍ୟସଭା ଅଧ୍ୟକ୍ଷ ତଥା ଉପରାଷ୍ଟ୍ରପତି ଭେଙ୍କୟା ନାଇଡୁଙ୍କ ନବ ନିର୍ବାଚିତ ସାଂସଦଙ୍କୁ ଶପଥ ଗ୍ରହଣ କରାଇଛନ୍ତି। ବୁଧବାର ୨୦ଟି ରାଜ୍ୟରୁ ନିର୍ବାଚିତ ୬୧ ସାଂସଦଙ୍କ ମଧ୍ୟରୁ ୪୫ ଜଣ ଶପଥ ନେଇଛନ୍ତି। ଏହି ୪୫ ସାଂସଦଙ୍କ ମଧ୍ୟରୁ ବିଜେପିର ୧୮ ଜଣ, କଂଗ୍ରେସର ୧୦ ଜଣ, ଓ୍ୱାଇଏସ୍ଆର କଂଗ୍ରେସର ୪ ଜଣ ସଦସ୍ୟ ରହିଛନ୍ତି।
