କାଳୁପଡ଼ା ଘାଟ:-୦୪/୦୬(ବିନୁ ଦାସ୍) ଖୋର୍ଦ୍ଧା ଜିଲ୍ଲା ଚିଲିକା ବ୍ଲକ ଟାଙ୍ଗୀ ଥାନା ଅନ୍ତର୍ଗତ ଚଣ୍ଡେଶ୍ୱର ପଞ୍ଚାୟତ ଅଁଳାଡିହ ଗ୍ରାମରେ କରୋନା ସଂକ୍ରମଣ ହାର ବୃଦ୍ଧି ପାଉଥିବା ବେଳେ ଏ ବିଷୟରେ ଗ୍ରାମବାସୀ ଚଣ୍ଡେଶ୍ୱର ସରପଞ୍ଚ ସୁଧାକର ମହାପାତ୍ରଙ୍କର ସହଯୋଗ ଲୋଡ଼ିବା ସହ ଗ୍ରାମର ଚାରି ଗୋଟି ସାହିର ତିନୋଟି ୱାର୍ଡକୁ ସାନିଟାଇଜ କରିବାକୁ ବାରମ୍ବାର ଦାବି କରୁଥିଲେ ବି ଶନିବାର ପୂର୍ବାହ୍ନରେ ଚଣ୍ଡେଶ୍ୱର ସରପଞ୍ଚ ସୁଧାକର ମହାପାତ୍ରଙ୍କ ସହଯୋଗ ରେ ଅଁଳାଡିହ,ଫୁଲଗୋରଡ଼ା, ଚଢେଇଗୁଆଁ ଗ୍ରାମର ଚାରିଗୋଟି ଗ୍ରାମକୁ ସମ୍ପୁର୍ଣ୍ଣ ସାନିଟାଇଜ କରାଯାଇଛି। ଏହି ଅବସରରେ ଗଙ୍ଗାଧର ପୁର ଚିଲିକା ଦମକଳ ବିଭାଗ ତରଫରୁ ଷ୍ଟେସନ ଅଫିସର ମନ୍ମଥ ସାହୁଙ୍କ ନେତୃତ୍ୱରେ ଗୌରୀ ଶଙ୍କର ଗୁରୁ, ପ୍ରତାପ ରଞ୍ଜନ ଦାସ୍,ଜଗନ୍ନାଥ ନାୟକ ସହଯୋଗ କରିଥିବା ବେଳେ ସ୍ଥାନୀୟ ସ୍ବେଚ୍ଛାସେବୀ କୁନା ନାୟକ ଯେଉଁ ସ୍ଥାନକୁ ଦମକଳ ଗାଡି ପ୍ରବେଶ କରିପାରିନଥିଲା ହାଣ୍ଡ୍ ସ୍ପ୍ରେୟର ସାହାଯ୍ୟରେ ପାଖାପାଖି ଦେଢ଼ଶହ ଘରକୁ ସାନିଟାଇଜ କରାଯାଇଛି। ଉଭୟ ଦମକଳ ବିଭାଗ ଏବଂ ସ୍ଥାନୀୟ ସ୍ବେଚ୍ଛାସେବୀ କୁନା ନାୟକଙ୍କର ସହଯୋଗ ରେ ପାଞ୍ଚଶହରୁ ଉର୍ଦ୍ଧ୍ବ ଘରକୁ ସାନିଟାଇଜ କରାଯାଇଥିବାରୁ ଚଣ୍ଡେଶ୍ୱର ସରପଞ୍ଚ ସୁଧାକର ମହାପାତ୍ରଙ୍କୁ ଗ୍ରାମବାସୀ ଧନ୍ୟବାଦ ଜଣାଇଛନ୍ତି।
