ଟାଙ୍ଗୀ:-୧୫/୦୫(ବିନୁ ଦାସ୍) ପୂର୍ବତଟ ରେଳବାଇ ଖୋର୍ଦ୍ଧା ରୋଡ଼ ଡିଭିଜନ ଅନ୍ତର୍ଗତ ସୋଲରୀ ଷ୍ଟେସନ ପରିସରରୁ ଏକ ଅଚିହ୍ନା ମହିଳାଙ୍କ ମୃତଦେହ ଉଦ୍ଧାର। ପ୍ରାପ୍ତ ସୂଚନା ମୁତାବକ ରେଳବାଇ ଥାନା ଅଧିକାରୀ ମହେଶ୍ବର ଚନ୍ଦ୍ର ରାୟଙ୍କ ସୂଚନା ଅନୁଯାୟୀ ସୋଲରୀ ଷ୍ଟେସନ ପରିସରରେ ଜଣେ ୪୨ ରୁ ୪୫ ବର୍ଷ ମଧ୍ୟରେ ଏକ ମହିଳାଙ୍କ ମୃତଦେହକୁ ଜବତ କରିଛି ରେଳବାଇ ପୋଲିସ ବାଲୁଗାଁ ଏବଂ ଜିଆରପି ଖୋର୍ଦ୍ଧା ପୋଲିସ।ମହିଳାଙ୍କ ମୃତ୍ୟୁ ସନ୍ଦେହ ଜନକ ହୋଇଥିବା ବେଳେ ରେଳ ଧାରଣା କଡ଼ରୁ ଶବ ଜବତ ହେବା ଏବଂ ଏହା କୌଣସି ଟ୍ରେନରୁ ଖସି ମୃତ୍ୟୁ କିମ୍ବା ହତ୍ୟାକାଣ୍ଡ ସନ୍ଦେହ ଘେରରେ ରହିଥିବା ବେଳେ ପରିଚୟ ଅସ୍ପଷ୍ଟ ରହିଛି ଏବଂ ରେଳବାଇ ପୋଲିସ ସହ ଜିଆରପି ପୋଲିସ ପକ୍ଷରୁ ଏକ ମକଦ୍ଦମା ରୁଜୁ କରି ତଦନ୍ତ ନିର୍ଦ୍ଦେଶ ଦିଆଯାଇଛି।ଘଟଣା ସ୍ଥଳରେ ଖୋର୍ଦ୍ଧା ଜିଆରପି ପକ୍ଷରୁ ତଦନ୍ତ କାରୀ ଅଧିକାରୀ ଧରଣୀ ଧର ପ୍ରଧାନ ଏବଂ ରେଳବାଇ ପୋଲିସ ପକ୍ଷରୁ ଏଏସ୍ ଆଇ ରଥ ହାଁସଦା ଙ୍କ ସହ ଚିଲିକା ଆଡ଼ିସିନାଲ ତହସିଲଦାର ଘଟଣାସ୍ଥଳରେ ଉପସ୍ଥିତ ଥିଲେ।ମୃତକ ମହିଳାଙ୍କ ପରିଚୟ ମିଳିନଥିବା ବେଳେ ଏକ ମାମଲା ରୁଜୁ କରି ଶବ ଜବତ କରିଛି ଜିଆରପି।
