ବାଲୁଗାଁ,୦୭/୦୨: ବାଣପୁର ବାଲୁଗାଁ ରୋଟାରୀ କ୍ଲବ ପକ୍ଷରୁ ରବିବାର ଏକ ସ୍ବେଛାକୃତ ରକ୍ତଦାନ ଶିବିର ବାଲୁଗାଁ ସ୍ଥିତ ଶ୍ରୀ ଶ୍ରୀ ଉମାମହେଶ୍ୱର ବଣିକ ସଂଘ ଗୃହ ଠାରେ ଆୟୋଜିତ କରାଯାଇଥିଲା। ଉକ୍ତ ଶିବିରରେ ରୋଟାରିକ୍ଲବର ସଭ୍ୟ ଓ ସ୍ଥାନୀୟ ଜନସାଧାରଣ ରକ୍ତ ଦାନ କରିଥିଲେ। ଶିବିରକୁ ବାଲୁଗାଁ SDPO ଶ୍ରୀଯୁକ୍ତ Manash ରଂଜନ ବାରିକ ଉଦଘାଟନ କରିଥିବା ସହିତ ନିଜେ ସ୍ବେଛାକୃତ ଭାବେ ରକ୍ତଦାନ କରିଥିଲେ। ବାଲୁଗାଁ ଥାନା ଅଧିକାରୀ ଶ୍ରୀଯୁକ୍ତ ରମାକାନ୍ତ ମହାଲିକ ଉପସ୍ଥିତ ରହି ଉତ୍ସାହିତ କରିଥିଲେ। ରୋଟାରୀ କ୍ଲବ ବାଣପୁର ବାଲୁଗାଁର ସଭାପତି ରୋଟାରୀୟାନ ଅଶୋକ କୁମାର ପାତ୍ର ଏବଂ ସମ୍ପାଦକ ରୋଟାରୀୟାନ ଜିତେନ୍ଦ୍ର କୁମାର ପାତ୍ରଙ୍କ ତତ୍ତ୍ଵାବଧାନରେ ୪୫ ୟୁନିଟ ରକ୍ତ ସଂଗ୍ରହ କରାଯାଇଥିଲା। ବ୍ରହ୍ମପୁର ଏମ କେ ସି ଜି ଟେକିନିସିଆନ ପ୍ରଦୀପ କୁମାର ସୁବୁଦ୍ଧି ସହିତ ଛଅ ଜଣ କର୍ମକର୍ତ୍ତାଙ୍କ ଦ୍ଵାରା ରକ୍ତ ସଂଗ୍ରହ କରାଯାଇଥିଲା। ବାଲୁଗାଁ ମହାବିଦ୍ୟାଳୟର ଅଧ୍ୟାପକ ଲକ୍ଷ୍ମୀଧର ସୁବୁଦ୍ଧି, ଜାତୀୟ ସେବା ଯୋଜନାର ଯୁବ ବନ୍ଧୁ ମାନେ ସହଯୋଗ କରିଥିଲେ। କ୍ଲବର ପୂର୍ବତନ ସଭାପତି ବିଜୟ କୁମାର ନନ୍ଦ, ଓମ୍ ପ୍ରକାଶ ଅଗରୱାଳ, ରବି ନାରାୟଣ ନାୟକ, ଧିରେନ୍ଦ୍ରନାଥ ପତ୍ର, ବିଜୟ କୁମାର ବେହେରା ଏବଂ ହିମାଂଶୁ କୁମାର ପାତ୍ର, ସୁନିଲ କୁମାର ପାତ୍ର, ଗୋପାଳ ଚନ୍ଦ୍ର ନାୟକ, କ୍ଲବର ପ୍ରଥମ ମହିଳା ଶ୍ରୀମତୀ ଲକ୍ଷ୍ମୀପ୍ରିୟା ପାତ୍ର ପ୍ରଭୁତ ରୋଟରୀୟାନ ମାନେ ପରିଚାଳନାରେ ସହଯୋଗ କରିଥିଲେ।
