କାଳୁପଡ଼ା ଘାଟ,୦୧/୦୨:-ଖୋର୍ଦ୍ଧା ଜିଲ୍ଲାର କାଳୁପଡ଼ା ଘାଟ ଅଞ୍ଚଳରେ କାଳୁପଡ଼ା ଘାଟ ପ୍ରିମିୟର ଲିଗ୍ ଦ୍ବିତୀୟ ସଂସ୍କରଣର ଶୁଭାରମ୍ଭ ହୋଇଯାଇଛି। ଏହି ଉଦ୍ଘାଟନୀ ଉତ୍ସବରେ ସ୍ଥାନୀୟ ଅଞ୍ଚଳର ବଛା ବଛା ଖେଳାଳି ମାନଙ୍କର ଏହି ଟ୍ୱେଣ୍ଟି ଟ୍ୱେଣ୍ଟି ମ୍ୟାଚ୍ ରେ ଭାଗ ନେବାକୁ ଥିବା ଖେଳାଳି ମନୋନୟନ ସହ ନିଲାମ ପ୍ରକ୍ରିୟା ଆରମ୍ଭ ହୋଇଯାଇଛି।ଏହି ସମାରୋହରେ ଚିଲିକା ବିଧାୟକ ସମବାୟ ପ୍ରତିନିଧି ଶେଷଦେଵ ରାୟ ଗୌରବ, ବସୁଦେବ ପ୍ରଧାନ ଶୁଭାରମ୍ଭ କରିଥିବାବେଳେ କମଳାକାନ୍ତ ମହାପାତ୍ର, ଲିକୁ ଜେନା, ଲୁଲା ଖାନ୍,ସଞ୍ଜୟ ମହାପାତ୍ର, ସତ୍ୟବ୍ରତ ସାହୁ ଏବଂ ଚନ୍ଦ୍ରକାନ୍ତ ପଳାଇ ପ୍ରମୁଖ ସଦସ୍ୟ ଖେଳାଳି ନିଲାମ ସହ ନିଜ ନିଜର ଟିମ୍ ପାଇଁ ଖେଳାଳି ଚୟନ କରିଥିଲେ। ଏହି ଉଦଘାଟନ ଉତ୍ସବରେ ଶତାଧିକ କ୍ରୀଡ଼ାପ୍ରେମୀ ଯୋଗଦେଇ ଖେଳିବାକୁ ଥିବା ୯ ଗୋଟି ଟିମ୍ ର ଖେଳାଳିଙ୍କୁ ଶୁଭେଚ୍ଛା ଜଣାଇଥିଲେ। କାଳୁପଡ଼ା ଘାଟ ପ୍ରିମିୟର ଲିଗ୍ ଦ୍ଵିତୀୟ ସଂସ୍କରଣ ଫେବୃଆରୀ ୭ ରୁ ଆରମ୍ଭ ହେବ । ଦର୍ଶକ ମାନେ ଏହାର ଉପଭୋଗ କରିବାକୁ ଆୟୋଜକ ମାନଙ୍କ ତରଫରୁ ସୂଚନା ଦେଇଛନ୍ତି।
