ମାଲକାନଗିରି,୧୪।୦୯ : ମାଲକାନଗିରି ଜିଲ୍ଲା ମୋଟୁ ଥାନାଅଧିନସ୍ଥ MPV 83 ଗ୍ରାମରେ ଆଜି ଏକ ବେଳୁନ ସଦୃଶ୍ୟ ପାରାସୁଟ ଉଡି ଆସିଥିବା ଦେଖିବାକୁ ମିଳିଛି । ଆଜି ସକାଳୁ ଏକ ଜମିରେ ଏହି ପ୍ୟାରାସୁଟ ଟି ପଡିଥିବା ବେଳେ ସ୍ଥାନୀୟ ଲୋକେ ଏହାକୁ ଦେଖି ପୋଲିସକୁ ଖବର ଦେଇଥିଲେ । ପ୍ୟାରାସୁଟରେ ଭାରତ ସରକାର ଲେଖା ରହିବା ସହ ଅଶୋକ ସ୍ତମ୍ଭ ରହିଛି । ତେବେ ଏହା କେଉଁଠୁ ଏବଂ କେମିତି ଆସିଲା ସେନେଇ କୌଣସି ଖବର ନଥିବା ବେଳେ ଲୋକେ ଏହାକୁ ଦେଖିବାକୁ ଭିଡ଼ ଜମାଇଛନ୍ତି । ପ୍ରଥମ ଥର ପାଇଁ ଏଭଳି ପ୍ୟାରାସୁଟ କୁ ଦେଖି ଲୋକେ ସ୍ତମ୍ବୀଭୁତ ହୋଇ ରହିଛନ୍ତି । ଘଟଣା ସ୍ଥଳରେ ମୋଟୁ ପୋଲିସ ଓ ଅଗ୍ନିସମ ବିଭାଗ ପହଁଚି ତଦନ୍ତ ଆରମ୍ଭ କରିବା ସହ ବେଳୁନ ସଦୃଶ୍ୟ ପ୍ୟାରାସୁଟଟିକୁ କାଲିମେଳା ଅଗ୍ନିଶମ ବିଭାଗ ମୋଟୁ ପୋଲିସକୁ ହସ୍ତାନ୍ତର କରିଛନ୍ତି ।
