ଖୋର୍ଦ୍ଧା,୦୩।୦୮: ଆଜି ଓଡିଶା-ମୋ ପରିବାରର ଆବାହକ ଶ୍ରୀ ଅରୁପ ପଟ୍ଟନାୟକ ଖୋର୍ଦ୍ଧା ଜିଲ୍ଲାର ଜଟଣୀ ନିର୍ବାଚନମଣ୍ଡଳୀ ଅନ୍ତର୍ଗତ ପଣ୍ଡିଆବାଲି, ବୁଢାଙ୍ଗରା ଏବଂ ତିରିମଲ ଗ୍ରାମ ପରିଦର୍ଶନ କରି ଜିଲ୍ଲା ସଭାପତି ଶ୍ରୀ ବିଭୁତି ବଳବନ୍ତରାୟ, ବିଜେଡି ନଗର ସଭାପତି ଶ୍ରୀ ଆଶୁତୋଷ ପ୍ରତାପସିଂହ, ତରାବୋଇ ସରପଞ୍ଚ ରିଆଜ ଅଲ୍ଲୀ, ସମାଜସେବୀ ବିଜୟ ପଣ୍ଡା, ଏମଡି କୌଶର, ରତ୍ନାକର ପ୍ରଧାନ, ପ୍ରଶାନ୍ତ ପଟ୍ଟନାୟକ, ପ୍ରଶନ୍ନ ଛୋଟରାୟଙ୍କ ଉପସ୍ଥିତିରେ ବନ୍ୟା ସ୍ଥିତି ପରିଦର୍ଶନ କରିବା ସହ ସେଠାରେ ବସବାସ କରୁଥିବା ଲୋକମାନଙ୍କ ସହ ଆଲୋଚନା କରି ତାଙ୍କର ଭଲମନ୍ଦ ବୁଝିଥିଲେ ଏବଂ ସମସ୍ଯାର ସମାଧାନ ପାଇଁ ପ୍ରତିସ୍ରୁତୀ ଦେଇଥିଲେ
ସେହିପରି ଭାବରେ ଶ୍ରୀ ପଟ୍ଟନାୟକ ଖୋର୍ଦ୍ଧା ନିର୍ବାଚନମଣ୍ଡଳୀ ଅନ୍ତର୍ଗତ ବ୍ରଜମୋହନପୁର ପଞ୍ଚାୟତର ଶରଧାପୁର ଗ୍ରାମ ଗସ୍ତ କରି ଖୋର୍ଦ୍ଧା ବିଧାୟକ ଶ୍ରୀ ଜ୍ୟୋତିରିନ୍ଦ୍ର ନାଥ ମିତ୍ର, ଜିଲ୍ଲା ପରିଷଦ ସଭାପତି ଶ୍ରୀ ପ୍ରଫୁଲ୍ଲ ଦଳେଇ, ପୂର୍ବତନ ସରପଞ୍ଚ ଜୟକୃଷ୍ଣ ବଳୀୟାର ସିଂ, ବିଜେଡି ନେତା ଶ୍ରୀ କୈଳାଶ ଚନ୍ଦ୍ର ପାତ୍ର ଏବଂ ବିଜୁ ଯୁବ ନେତା ଦିଲୁ ସାମନ୍ତରାୟଙ୍କ ଉପସ୍ଥିତରେ ସେଠାକାର ବନ୍ୟାସ୍ଥିତି ପରିଦର୍ଶନ କରିବା ସହ ଲୋକଙ୍କ ଭଲମନ୍ଦ ପଚାରି ବୁଝିଥିଲେ |
ଏତଦ୍ ବ୍ୟତୀତ ଶ୍ରୀ ପଟ୍ଟନାୟକ ବନ୍ୟା ପ୍ରପିଡୀତ ଏହି ଗ୍ରାମ ଗୁଡିକରେ ସଠିକ୍ ଭାବେ ରିଲିଫ୍ ବଣ୍ଟନ ହେଉଛି କି ନାହିଁ ତା’ର ତଦାରଖ ମଧ୍ୟ କରିଥିଲେ |
