ଟାଙ୍ଗୀ, ୧୬/୦୮ : ଟାଙ୍ଗୀ ବ୍ଲକ ଅନ୍ତର୍ଗତ ଟାଙ୍କୋଳ ପଞ୍ଚାୟତର ପଣ୍ଡା ସାହିରେ ଏକ ଅଭାବନୀୟ ଘଟଣା ଘଟିଛି । ଏହି ଗ୍ରାମର ପ୍ରଫୁଲ୍ଲ ପ୍ରଧାନଙ୍କ ଘରେ ଏଲପିଜି ଟାଙ୍କି ବିସ୍ଫୋରଣ ହୋଇ ତାଙ୍କ ଘର ସମେତ ପଡୋଶୀ ସୁଦର୍ଶନ ମହାରଣା ଓ ମଙ୍ଗୁଳି ପ୍ରଧାନଙ୍କ ଘର ନିଆଁ ଲାଗି ବହୁତ କ୍ଷତି ହୋଇଛି । ଏଥିରେ ଘରର ବିଭିନ୍ନ ଆବଶ୍ୟକୀୟ ଓ ମୂଲ୍ୟବାନ ଜିନିଷ ମାନ ଜଳି ପୋଡି ନଷ୍ଟ ହୋଇଯାଇଛି । ଉଭୟ ପରିବାର ଆର୍ଥିକ ସ୍ଵଚ୍ଛଳ ନଥିବାରେ ଏପରି ଘଟଣା ସେମାନଙ୍କ ପାଇଁ ଅତି ଦୁଃଖ ଦାୟକ । ଘଟଣା ସ୍ଥଳରେ ଦମକଳ ବାହିନୀ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରିଥିଲେ । ଏଲପିଜି ସିଲିଣ୍ଡର ଗ୍ରାହକ ମାନଙ୍କ ପାଇଁ ଉଦ୍ଦିଷ୍ଟ ବୀମା ଯୋଜନାରୁ ଉକ୍ତ ପରିବାର ମାନଙ୍କୁ କ୍ଷତି ପୂରଣ ଯୋଗାଇ ଦେବା ପାଇଁ ସାଧାରଣରେ ଦାବି ହେଉଛି ।
