ବାଣପୁର ୧୯ /୦୭ : ଆଜି ବାଣପୁର ରେ ଲୋକାଲ କରୋନା କେଶ ଭୟ ଆଣିଦେଇଛି । ଆଜି ବାଣପୁର ବିଜ୍ଞାଂପିତ ଅଞ୍ଚଳରେ ରେ ତିନି ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ଓ ସଂକ୍ରମଣ କୁ ଦ୍ରୁଷ୍ଟି ରେ ରଖି ଖୋର୍ଦ୍ଧା ଜିଲ୍ଲାପାଳ ଓ ଆଞ୍ଚଳିକ ପ୍ରଶାସନ ତପ୍ତରତା ର ସହ ବାଣପୁର ର ମୁଖ୍ୟ ଡାକ ଘର ଠାରୁ ମା ଭଗବତୀଙ୍କ ମନ୍ଦିର ନିକଟ ପର୍ଯ୍ୟନ୍ତ ୨୦ ତାରିଖ ସକାଳ ୭ ଘଟିକାରୁ ୨୩ ତାରିଖ ସକାଳ ୭ ଘଟିକା ଯାଏଁ କଣ୍ଟେନମେଣ୍ଟ ଜୋନ ଘୋଷଣା କରିଛନ୍ତି । ଉକ୍ତ ଜୋନରେ ସମସ୍ତ ବାସିନ୍ଦାଙ୍କ ଅବଶ୍ୟକ ସୁବିଧା ପାଇଁ ବ୍ୟବସ୍ଥା କରି ବିଭିନ୍ନ ଦାଇତ୍ଵ ରେ NODAL OFFICER ମାନଙ୍କୁ ନିୟୋଜିତ କରିଛନ୍ତି । ଏହି ସମୟ ମଧ୍ୟରେ ଉକ୍ତ ଅଞ୍ଚଳରେ ବାସିନ୍ଦା ଙ୍କର ଚଳ ପ୍ରଚଳ ପ୍ରତି କଟକଣା ଲଗାଯାଇଛି । ସମସ୍ତ ଆକ୍ରାନ୍ତଙ୍କ ବାସଭବନ ସମ୍ମୁଖକୁ ଏନ.ଏ.ସି ଦ୍ୱାରା ସାନିଟାଇଜେସନ କରାଯାଇଛି । ସମ୍ପୃକ୍ତ ଅଞ୍ଚଳକୁ ସାନିଟାଇଜେସନ କରାଯିବା ସହ ଆକ୍ରାନ୍ତଙ୍କ କଣ୍ଟାକ୍ଟ ଟ୍ରେସିଂ କରାଯିବ ବୋଲି ଜିଲ୍ଲାପାଳ ସୂଚନା ଦେଇଛନ୍ତି ।
