ସାଲେପୁର ୧୧।୦୭: ରାଜ୍ୟରେ ଦିନକୁ ଶହ ଶହ ସଂଖ୍ୟାରେ ନୂତନ ସଂକ୍ରମିତ ଚିହ୍ନଟ ହେଉଛନ୍ତି। ସାଧାରଣ ଜନତାଙ୍କଠୁ ନେଇ ଅଫିସର, ବିଧାୟକ କରୋନାର ଶିକାର। ଏହା ମଧ୍ୟରେ ଭଲ ଖବର କରୋନାରୁ ସୁସ୍ଥ ହେଲେ ସାଲେପୁର ବିଧାୟକ ପ୍ରଶାନ୍ତ ବେହେରା। ତାଙ୍କ କରୋନା ଟେଷ୍ଟ ରିପୋର୍ଟ ଆଜି ନେଗେଟିଭ୍ ଆସିଛି।
ସୂଚନାଯୋଗ୍ୟ ଜୁଲାଇ ୮ ତାରିଖରେ କଟକ ଜିଲ୍ଲାର ସାଲେପୁର ବିଧାୟକ ପ୍ରଶାନ୍ତ ବେହେରା ତାଙ୍କ ପିଏସଓ ଓ ତାଙ୍କ ଡ୍ରାଇଭର୍ କରୋନାରେ ସଂକ୍ରମିତ ହୋଇଥିଲେ। ବିଧାୟକ ଶ୍ରୀ ବେହେରା କରୋନାରେ ଆକ୍ରାନ୍ତ ହୋଇଥିବା ଜଣାପଡ଼ିବା ପରେ ବିଭିନ୍ନ ମହଲରେ ଚିନ୍ତା ବଢ଼ିଯାଇଥିଲା। ବିଧାୟକଙ୍କ ସହିତ କେଉଁମାନେ ସଂସ୍ପର୍ଶରେ ଆସିଛନ୍ତି, ସେ ସମ୍ପର୍କରେ ପ୍ରଶାସନ ପକ୍ଷରୁ କଣ୍ଟାକ୍ଟ ଟ୍ରେସିଂ କରାଯାଇଥିଲା। ଏବେ ବିଧାୟକ ପ୍ରଶାନ୍ତ ବେହେରା କରୋନାରୁ ସୁସ୍ଥ ହୋଇଛନ୍ତି ଏବଂ ତାଙ୍କ ଟେଷ୍ଟ ରିପୋର୍ଟ ନେଗେଟିଭ୍ ଆସିଛି।
