ତିର୍ତ୍ତୋଲ (ମାନସ କୁମାର ସୁତାର ):- ଜଗତସିଂହପୁର ଜିଲ୍ଲା କୃଷ୍ନାନନ୍ଦପୁର ଥାନା ଗୋପାଳପୁର ପଞ୍ଚାୟତ ବେହେଡପୁର ଗ୍ରାମର ରମେଶ ଓଝାଙ୍କର ଏକମାତ୍ର କୋଡିଏ ବର୍ଷୀୟ ପୁଅ ରାଜେଶ ଓଝାଙ୍କର ଏକ ବିଶାକ୍ତ ସାପ କାମୁଡ଼ାରେ ମୃତ୍ୟୁ ଘଟିଛି । ସେ ବାବା ବାୟାଅବଧୂତ କଲେଜରେ +୩ ରେ ଅଧ୍ୟୟନ କରୁଥିଲେ । ଗତକାଲି ରାତିରେ ଘରକୁ ଫେରୁଥିବା ସମୟରେ ଘର ଆଗରେ ସାପ ଦର୍ଶନ କରିଥିଲା । ସାପ କାମୁଡିବା ପରେ ପ୍ରଥମେ ମଣିଜଙ୍ଗା ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରକୁ ନିଆଯାଇଥିଲା କିନ୍ତୁ ତାଙ୍କ ଅବସ୍ଥା ଗୁରୁତର ଥିବାରୁ ପରେ ତାଙ୍କୁ କଟକ ବଡ଼ ମେଡିକାଲ ସ୍ଥାନାନ୍ତରିତ କରାଯାଇଥିଲା । କଟକ ଯିବା ବାଟରେ ରାଜେଶର ମୃତ୍ୟୁ ଘଟିଥିଲା । ରାଜେଶଙ୍କ ଅକାଳ ମୃତ୍ୟୁରେ ସ୍ତାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।
