ସାଲେପୁର :(ରଘୁନାଥ ପାତ୍ର )କଟକ ଜିଲ୍ଲା ମାହାଙ୍ଗା ନିର୍ବାଚନ ମଣ୍ଡଳୀ ର ଭଦ୍ରେଶ୍ୱର ଥାନା ସାହାନିଆଜପୁର ଗ୍ରାମରେ ପ୍ରତିବର୍ଷ ଭଳି, ଚଳିତ ବର୍ଷ ରାମଲୀଳା ଦାଣ୍ଡଯାତ୍ରା ଚାଲିଥିବା ବେଳେ , ପୂର୍ବ ଆକ୍ରୋଶ କୁ କେନ୍ଦ୍ରକରି ଗୋବିନ୍ଦପୁର ଅଞ୍ଚଳ ର କେତେକ ଅସାମାଜିକ ମଦ୍ୟପ ବ୍ୟକ୍ତି ଗଣ୍ଡଗୋଳସୃଷ୍ଟି କରିବା ସହ ସାହାନିଆଜପୁର ଗ୍ରାମର କେତେକ ଯୁବକ ଙ୍କୁ ଖଣ୍ଡାଭୁଜାଲି ଆଦିମାରଣାସ୍ତ୍ର , ଢେଲା ପଥର ଫୋପାଡି ଜୀବନରୁ ମାରିଦେବାକୁ ଉଦ୍ୟମ କରିଥିଲେ|ଏଥିରେ ସାହାନିଆଜପୁର ଗ୍ରାମରକେତେକ ଯୁବକ ଗୁରୁତର ଅବସ୍ଥାରେ ନିଶ୍ଚିନ୍ତ କୋଇଲି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି ହୋଇଥିଲେ | ଭଦ୍ରେଶ୍ୱର ଥାନାରେ ମଧ୍ୟରାତ୍ରରେ ଏତଲା ଦେଇଥିଲେ, ମାତ୍ର ଏତଲା ପାଇଲା ପରେ ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନକରିବାରୁ, ଅଭିଯୋଗକାରି ମାନେ ଥାନାରେ ଧାରଣା ଦେଇଥିଲେ, ସକାଳେ କିଛି ଯୁବକ ଙ୍କୁ ଧରିଆଣି ପୋଲିସ୍ କେସ ରଫା ଦଫା ଉଦ୍ୟମ କରୁଥିବା ନେଇ ଅସନ୍ତୋଷ ପ୍ରକାଶ ପାଇଛି , ଦେଖିବାକୁ ବାକି ରହିଲା ସାହାନିଆଜପୁର ଗ୍ରାମବାସୀଙ୍କୁ ପୋଲିସ୍ କି ପ୍ରକାର ନ୍ୟାୟ ପ୍ରଦାନ କରୁଛି
