ଯାଜପୁର :(ପ୍ରକାଶ ଜେନା )ଯାଜପୁର ଜିଲ୍ଲା ବଡ଼ଚଣା ବ୍ଲକ ଅନ୍ତର୍ଗତ ଚଣ୍ଡିଖୋଲ ସରକାରୀ ଉଚ୍ଚ ବିଦ୍ୟାଳୟ ଠାରେ ଆଜି ଉଦୀୟମାନ ଅନୁଷ୍ଠାନ ଆନୁକୂଲ୍ୟରେ ୮୮ ତମ ଉତ୍କଳ ଦିବସ ପାଳିତ ହୋଇଯାଇଛି |ଅତିଥି ମାନେ ମହାପୁରୁଷଙ୍କ ପ୍ରତିମୂର୍ତ୍ତି ମାନଙ୍କରେ ମାଲ୍ୟାର୍ପଣ କରିବା ସହିତ ବନ୍ଦେ ଉତ୍କଳ ଜନନୀ ଗାନ କରି ଶ୍ରଦ୍ଧାସୁମନ ଅର୍ପଣ କରିଥିଲେ । ବାବା ଭୈରବାନନ୍ଦ ମହାବିଦ୍ୟାଳୟର ପ୍ରାକ୍ତନ ଅଦ୍ଧକ୍ଷ ଡକ୍ଟର କେଦାରନାଥ ଦାଶ , ଅବସରପ୍ରାପ୍ତ ପ୍ରଧାନ ଶିକ୍ଷକ ମନୋରଞ୍ଜନ କର , କେଦାରନାଥ ସାହୁ , ସରକାରୀ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଦେବ ପ୍ରକାଶ ମଲ୍ଲ , ଅନୁଷ୍ଠାନର ବରିଷ୍ଠ ଉପଦେଷ୍ଟା ଅନନ୍ତ ପ୍ରସାଦ ମାହାଲା , ଯୁଗ୍ମ ସଂପାଦକ ସୁଜିତ କୁମାର ସିଂହ , ସାମ୍ବାଦିକ ଚିନ୍ମୟ କୁମାର ପୃଷ୍ଟି ପ୍ରମୁଖ ଯୋଗ ଦେଇ ଓଡ଼ିଶାର ବରପୁତ୍ର ମାନଙ୍କ ତ୍ୟାଗ ଓ ତିତିକ୍ଷା ପାଇଁ ଆମେ ସ୍ବତନ୍ତ୍ର ପ୍ରଦେଶର ମାନ୍ୟତା ପାଇପାରିଛୁ ବୋଲି ମତ ରଖିଥିଲେ ।ଶେଷରେ ଅନୁଷ୍ଠାନର ମହିଳା ସଂପାଦିକା ଅରୁଣୀ ନନ୍ଦ ଧନ୍ୟବାଦ ପ୍ରଦାନ କରିଥିଲେ ।
