କନ୍ଧମାଳ:(ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲା ସଦରଥାନା ଅଞ୍ଚଳରେ ଏକ ମିନିଟ୍ରକ୍ ଚୋରି ଉଦ୍ୟମ ହୋଇଥିବା ଅଭିଯୋଗ ହୋଇଛି । ଖବର ପ୍ରକାରେ, ଫିରିଙ୍ଗିଆ ବ୍ଳକର ଗୋଛାପଡ଼ା ଥାନା ଅନ୍ତର୍ଗତ ବୁନ୍ଦୁଲି ଗ୍ରାମର ମାନସ ରଂଜନ ସାହୁ ରାତ୍ରରେ ମିନିଟ୍ରକ୍ (ନମ୍ବର ଓଡି-୧୨-ଡି-୮୩୯୬) ଧରି ବ୍ରହ୍ମପୁର ଯିବା ବେଳେ ସଦରଥାନା ଅନ୍ତର୍ଗତ ତୁଡ଼ିପାଜୁ ଘାଟିରେ ପ୍ରାୟ ୭ରୁ ୮ ଜଣ ଦୁର୍ବୃତ୍ତ ଏକ ନମ୍ବର ବିହୀନ କାରରେ ଆସି ଗାଡ଼ିକୁ ରାସ୍ତାରେ ଅଟକାଇଥିଲେ । ମାନସ ଓ ହେଲପରକୁ ମାଡ଼ ମାରିବା ସହିତ ସେମାନଙ୍କର ମୋବାଇଲ୍ ଓ ଟଙ୍କା ଛଡ଼ାଇ ନେଇଥିଲେ । ମିନିଟ୍ରକ୍ ଲୁଟ୍ ଉଦ୍ୟମ ବେଳେ ସେହି ସମୟରେ ଅନ୍ୟ ଏକ ଗାଡ଼ି ଆସିଯିବାରୁ ଦୁର୍ବୃତ୍ତ ମାନେ ଘଟଣାସ୍ଥଳରୁ ଚମ୍ପଟ ମାରିଥିଲ । ଏନେଇ ମାନସଙ୍କ ବାପା ବିଶ୍ୱନାଥ ସାହୁ ସଦରଥାନାରେ ଏକ ଏତଲା ଦେଇଛନ୍ତି । ଏତଲା ପ୍ରକାରେ ପୁଲିସ୍ ଏକ ମାମଲା ରୁଜୁକରି ଘଟଣାର ତଦନ୍ତ ଆରମ୍ଭ କରିଥିବା ଥାନା ଅଧିକାରୀ ସମୀର ରାଉତ ସୂଚନା ଦେଇଛନ୍ତି ।
