ବାଲିଗୁଡା:(ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲା ବାଲିଗୁଡା ଉପଖଣ୍ଡ ଅନ୍ତର୍ଗତ କ.ନୂଆଗାଁ ବ୍ଳକ କୁଡୁତୁଲି ପଞ୍ଚାୟତ ମା’ ପାଟଖଣ୍ଡା ମହିଳା ସଂଘ ପକ୍ଷରୁ ମଦମୁକ୍ତ ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ କୁଡୁତୁଲି ପଞ୍ଚାୟତର ସମସ୍ତ ମହିଳା ଏସଏଚଜି ସଦସ୍ୟ ମାନେ ଉପସ୍ଥିତ ରହି, ଗ୍ରାମରେ ସମ୍ପୂର୍ଣ୍ଣ ମଦ ବିକ୍ରୟ ବନ୍ଦ କରିବା ନିମନ୍ତେ ବୈଠକରେ ଆଲୋଚନା କରିଥିଲେ। ଏହା ସହ ଆଗାମୀ ଦିନରେ ୧୪ଟି ପଞ୍ଚାୟତରେ ଏଭଳି ମଦମୁକ୍ତ ପଞ୍ଚାୟତ ଗଠନ ନିମନ୍ତେ ବୈଠକ ନିଷ୍ପତ୍ତି ଗ୍ରହଣ କରାଗଲା। ଯଦି କେହି ମଦ ବିକ୍ରୟ କରେ ତେବେ ସେହି ବ୍ୟକ୍ତି ନାମରେ ଥାନାରେ ଏତଲା ଦିଆଯିବ ବୋଲି ଆଲୋଚନା ହୋଇଥିଲା। ଏହି କାର୍ଯ୍ୟକ୍ରମରେ ସରପଞ୍ଚ ଶ୍ରିଚନ୍ଦ୍ର ମଲିକ, ମହାସିଙ୍ଗି ସରପଞ୍ଚ ରଞ୍ଜିତ କୁମାର ମଲିକ,ବଣ୍ଡଗୁଡ଼ା ସରପଞ୍ଚ ସଞ୍ଜୟ ପ୍ରଧାନ, ସାରଙ୍ଗଡ ସରପଞ୍ଚ ବରୁଣ କହଁର, ଶିଳାରାଣୀ ବେହରଦଳାଇ, ଗାଁ ମୁଖିଆ ଚାଙ୍ଗୁଆ ପାତ୍ର, ସୁଜିତ କୁମାର ବେହରଦଳାଇ,ୱାର୍ଡ଼ ସଭ୍ଯ ଗିଦି ଦିଗାଲ ଗ୍ରାମବାସୀ ପ୍ରମୁଖ ଉପସ୍ଥିତ ଥିଲେ ।
