ଗୁଣୁପୁର, (ସିଦ୍ଧାର୍ଥ ଦାସ) ରାୟଗଡା ଜିଲ୍ଲା ଗୁଣପୁରର ବଂଶଧାରା ବିଜ୍ଞାନ ମହାବିଦ୍ୟାଳୟରେ ଅଟଳ ସ୍ମୃତି କମିଟିପକ୍ଷରୁ ଭାରତରତ୍ନ ସ୍ୱର୍ଗତ ଅଟଳ ବିହାରୀ ବାଜପେୟୀଙ୍କ ତିରଧାନ ଦିବସ ପାଳନ କରାଯାଇଛି। ଅଟଳ ସ୍ମୃତି କମିଟି ଏକ ସାମାଜିକ ଓ ଅଣରାଜନୈତିକ ସଂଗଠନ ପକ୍ଷରୁ ଶ୍ରୀ ସୂର୍ଯ୍ୟ ନାରାୟଣ ରଥଙ୍କ ସଭାପତିତ୍ୱରେ ତୈଳ ଚିତ୍ରରେ ପ୍ରଦୀପ ପ୍ରଜ୍ଵଳନକରି ସ୍ମୃତି ଚାରଣ କରାଯାଇଥିଲା। ଆୟୋଜିତ କାର୍ଯ୍ୟକ୍ରମରେ ସହରର ବିଭିନ୍ନ ବର୍ଗର ଲୋକ ସାମିଲହୋଇ ବାଜପେୟୀଙ୍କ ତୈଳଚିତ୍ରରେ ପୁଷ୍ପାଞ୍ଜଳି ପ୍ରଦାନ କରିଥିଲେ। ସଙ୍ଗଠନର ସଂଯୋଜକ ଚିନ୍ମୟ ପାଣିଗ୍ରାହୀ ସଂଯୋଜନା କରିଥବା ବେଳେ କମିଟି ସଦସ୍ୟ ସୋମନାଥ ଗୌଡ଼, ଉମା ଶଙ୍କର ଦାଶ ବାଜପେୟୀଙ୍କ ଜୀବନି ଉପରେ ଆଲୋଚନା କରିଥିଲେ। ଉକ୍ତ କାର୍ଯ୍ୟକ୍ରମରେ କମିଟିର ସଦସ୍ୟ ଲକ୍ଷ୍ମୀ ମହାଙ୍କୁଡ଼ , ଇନ୍ଦ୍ରାକ୍ଷୀ ପ୍ରସାଦ ଦାଶ , ଅମ୍ବିକା ମହାପାତ୍ର, ବି.ସତୀଶ କୁମାର , ଶ୍ରୀନିବାସ ସ୍ୱାଇଁ , ଶିବ ସାହୁ ପ୍ରମୁଖ ଉପସ୍ଥିତ ଥିଲେ.
