ରାଜଗାଙ୍ଗପୁର, (ମନୋଜ୍ ଭୋଳ ଙ୍କ ରିପୋର୍ଟ):-ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ବ୍ଲକ ରେ ପଞ୍ଚାୟତ ନିର୍ବାଚନକୁ ନେଇ ସବୁ ଦଳ ମାନଙ୍କ ପ୍ରଚାର ପ୍ରସାର ଜୋର ସୋର ରେ ଚାଲିଥିବା ବେଳେ ବିଜେଡି ର ନିର୍ବାଚନ ପ୍ରଚାର ଆଗରେ ଅନ୍ୟ ଦଳ ର ପ୍ରଚାର ଫିକା ପଡିଥିବା ଦେଖିବାକୁ ମିଳିଛି |ବିଜେଡି ତରଫରୁ ଗର୍ଭଣା ପାଞ୍ଚାୟତ ରେ ଆଜି ନିର୍ବାଚନ ପ୍ରଚାର କରାଯାଇଥିଲା |ଏହି ନିର୍ବାଚନ ପ୍ରଚାର ରେ ବିଜେଡି ରାଜ୍ୟ ଉପସଭାପତି ତଥା ରାଜଗାଙ୍ଗପୁର ପୂର୍ବତନ ବିଧାୟକ ମଙ୍ଗଳା କିଷାନ ମାନ୍ୟବର ମୁଖ୍ୟ ମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକ ଙ୍କ ସ୍ୱଚ୍ଛ ଶାସନ ,ଓ ତାଙ୍କ ଦ୍ୱାରା କରାଯାଇଥିବା ଲୋକ ମାନଙ୍କ ହିତ କର କାର୍ଯ୍ୟ ,ପଞ୍ଚାୟତ ର ବିଭିନ୍ନ ଉନ୍ନତି ମୂଳକ କାର୍ଯ୍ୟ ବିଷୟରେ ଲୋକଙ୍କୁ ଅବଗତ କରାଇବା ସହ ନିଜର ଦଳୀୟ ପ୍ରାର୍ଥୀ ଙ୍କୁ ବିପୁଳ ପରିମାଣରେ ଜୟଯୁକ୍ତ କରିବା କୁ ଅନୁରୋଧ କରିଥିଲେ |
ଏହା ସହ ବିଜେଡି ଦଳୀୟ ସମର୍ଥିତ ପ୍ରାର୍ଥୀ ମଧ୍ୟ ଲୋକଙ୍କ ଠାରୁ ଭୋଟ ଭିକ୍ଷା କରିଥିଲେ |ଏହି ନିର୍ବାଚନ ପ୍ରଚାର ରେ ଜଣେ ପୁରୁଖା ନେତା ହୋଇଥିବା ବେଳେ ଲୋକମାନେ ମଧ୍ୟ ତାଙ୍କର ଜୟ ଜୟ କାର କରିବା ସହ ମାନ୍ୟବର ମୁଖ୍ୟ ମନ୍ତ୍ରୀ ଙ୍କ କାର୍ଯ୍ୟ କୁ ମଧ୍ୟ ପ୍ରଶଂସା କରିବା ସହ ବିଜେଡି କୁ ଜିତା ଇବାର ପ୍ରତିଶୃତି ଦେଉଥିବା ଦେଖିବାକୁ ମିଳିଥିଲା ଏହା ସହ ଦଳୀୟ ସମର୍ଥିତ ପ୍ରାର୍ଥୀ ଜ୍ୟୋତି କୁଜୁର ଙ୍କ ପାଇଁ ଲୋକ ମାନଙ୍କ ଠାରୁ ତାଙ୍କର ବହୁ ମୂଲ୍ୟ ଭୋଟ ଭିକ୍ଷା କରିଥିଲେ | ଆଗାମୀ ନିର୍ବାଚନରେ ଜୟଯୁକ୍ତ ହେଲେ ପଞ୍ଚାୟତ ର ସର୍ବାଙ୍ଗିନ ଉନ୍ନତି ଓ ଅଧୁରା କାମକୁ ସମ୍ପୂର୍ଣ କରିବେ ବୋଲି ପ୍ରତିଶ୍ରୁତି ଦେଇଥିଲେ |ଏହି ନିର୍ବାଚନ ପ୍ରଚାର ରେ ବିଜେଡି ସୁନ୍ଦରଗଡ଼ ଜିଲ୍ଲା ପର୍ଯ୍ୟବେକ୍ଷକ ଦୁର୍ଗା ସାମନ୍ତ ରାଏ , ବିଜେଡି ବ୍ଲକ ସଭାପତି ରାମ କୁଜୁର ,ଯୁବ ନେତା ରମେଶ କେଶରୀ ଓ ଅନ୍ୟନ ଦଳୀୟକର୍ମକର୍ତ୍ତା ପ୍ରମୁଖ ନିର୍ବାଚନ ପ୍ରଚାର ରେ ସହଯୋଗ କରିଥିଲେ |
