ବାଲୁଗାଁ,ତା ୧୭।୧: ବାଣପୁର ବାଲୁଗାଁ ରୋଟାରୀ କ୍ଳବ ପକ୍ଷରୁ ବାଣପୁର ଉପ କାରାଗାର ନିକଟରେ ଅବସ୍ଥିତ ଜରା ନିବାସରେ ମାସିକ ରାସନ ସାମଗ୍ରୀ ଗତକାଲି ପ୍ରଦାନ କରାଯାଇଅଛି । ପ୍ରକାଶ ଥାଉକି ବିଗତ ଦୁଇ ବର୍ଷ ହେବ ଉକ୍ତ ଜରା ନିବାସରେ ପ୍ରତି ମାସରେ ରାସନ ସାମଗ୍ରୀ ଓ ଭିନ୍ନ ଭିନ୍ନ ସମୟରେ ବିଭିନ୍ନ ପ୍ରକାର ଜିନିଷ ଯଥା ଖଟ, ଚେୟାର, ୱାଟର ଫିଲଟର, ଶୀତଦିନ ସକାଶେ କମ୍ବଳ ଇତ୍ଯାଦି ପ୍ରଦାନ କରାଯାଇଅଛି ।
ଆଗାମୀ ଦିନ ମାନଙ୍କରେ ମଧ୍ଯ ଏହି କାର୍ଯ୍ଯ ଏହିପରି ଚାଲୁ ରହିବା ସହିତ ଆଶ୍ରମର ଆବଶ୍ଯକ ଥିବା ଅନ୍ଯାନ କିଛି ଉନ୍ନୟନ ମୂଳକ କାମ କରାଯିବ ବୋଲି କ୍ଳବର ସଭାପତି ରୋଟାରୀଆନ ଗୋପାଳ ଚନ୍ଦ୍ର ନାୟକ ପ୍ରକାଶ କରିଛନ୍ତି । ଉକ୍ତ କାର୍ଯ୍ଯରେ ପୂର୍ବତନ ସଭାପତି ବିଜୟ କୁମାର ନନ୍ଦ, ପ୍ରବୀଣ କୁମାର ଜେନା, ଧୀରେନ୍ଦ୍ରନାଥ ପାତ୍ର, ରବିନାରାୟଣ ନାୟକ, ସଂପାଦକ ସଚ୍ଚିଦାନନ୍ଦ ସେଠୀ, ଆଗାମୀ ବର୍ଷର ସଭାପତି ରବିନାରାୟଣ ପାଲଙ୍କ ସମେତ ସଭ୍ଯ ହିମାଂଶୁ କୁମାର ପାତ୍ର,ସୁନୀଲ କୁମାର ପାତ୍ର, ସୋମନାଥ ସୁବୁଦ୍ଧି, ସନ୍ତୋଷ କୁମାର ପାତ୍ର ପ୍ରମୂଖ ଉପସ୍ଥିତ ଥିଲେ ।
