ରାଜଗାଙ୍ଗପୁର, (ମନୋଜ୍ ଭୋଳଙ୍କ ରିପୋର୍ଟ) :-ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ସହର ଓ ଆଖ ପାଖ ଅଞ୍ଚଳରେ ବାଲି ଚୋରା ଚାଲାଣ ଦିନକୁ ଦିନ ବଢିବାକୁ ଲାଗୁଥିବା ବେଳେ ଗତ କାଲି ରାଜଗାଙ୍ଗପୁର ପୋଲିସ ଲାଇନ୍ ୩ ଗେଟ୍ ସମ୍ମୁଖରୁ ଚୋରା ବାଲି ଚାଲାଣ କରୁଥିବା ବାଲି ବୋଝେଇ ଟ୍ରକକୁ ଜବତ କରିଛି |ଏହା ସହ ଟ୍ରକ ଚାଳକ ଇଲିଆସ ଲାକ୍ରା ଙ୍କୁ ଗିରଫ କରିଛି |ପ୍ରାପ୍ତ ସୂଚନା ଅନୁଯାୟୀ ଗତ କାଲି ଇଲିଆସ ଲାକ୍ରା ଚୋରା ବାଲି ନେଇ ଲିପଲୋଇ ଆଣିଥିବା ବେଳେ ଲାଇନ୍ ୩ ଗେଟ୍ ସମ୍ମୁଖରେ ରାଜଗାଙ୍ଗପୁର ପୋଲିସ ର ପେଟ୍ରୋଲିଂ ଟିମ ପଚରାଉଚୁରା କରିବା ପରେ ଟ୍ରକ ଚାଳକ ଇଲିଆସ ଲାକ୍ରା ବାଲି ଚୋରା ଚାଲାଣ କରୁଥିବା ସ୍ୱୀକାର କରିଥିଲେ |ପୋଲିସ ବାଲି ବୋଝେଇ ଟ୍ରକ ନମ୍ୱର ଓଡ଼ି ୧୬ ଡି ୪୪୫୫ କୁ ଜବତ କରିବା ସହ ଟ୍ରକ ଚାଳକ ଇଲିଆସ ଲାକ୍ରା କୁ ଗିରଫ କରିଛି |ଇଲିଆସ ଖତକୁର ବାହାଲ ଅଞ୍ଚଳ ର ମହମଦ ସାହିଦ ରାଜା ଙ୍କ ଇଙ୍ଗିତରେ କରୁଥିବା ପ୍ରକାଶ କରିଛନ୍ତି |ପୋଲିସ ସ୍ଥାନୀୟ ଅଞ୍ଚଳର ବିବେକ ଦଣ୍ଡସେନା ଓ ଛବି ନାରାୟଣ ଜେନା ନାମକ ଦୁଇ ଜଣ ଙ୍କ ସାକ୍ଷୀ ଙ୍କ ଉପସ୍ଥିତିରେ ଅଭିଯୁକ୍ତ ଟ୍ରକ ଚାଳକ ଓ ଟ୍ରକ କୁ ଜବତ କରିଥିବା ବେଳେ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି |
