ଚାନ୍ଦପୁର:-୧୧/୧୨(ବିନୁ ଦାସ୍):- ମଦ ବୋତଲ ରେ ବିଷ ପିଆଇ ମାମୁଁ ଙ୍କୁ ହତ୍ୟା କଲା ଭଣଜା । ଏହି ହତ୍ୟାକାଣ୍ଡ କୁ ଆତ୍ମହତ୍ୟା ର ରୂପ ଦେବାପାଇଁ ଭଣଜା ରଚିଥିଲା ସୁଚିନ୍ତିତ ଯୋଜନା । ଚାନ୍ଦପୁର ପୋଲିସ ତଦନ୍ତ ପରେ ଘଟଣାର ହେଲା ପର୍ଦାଫାସ ।
ନୟାଗଡ ଜିଲ୍ଲାର ପଟିଆମାଳ ପଞ୍ଚାୟତ ର କେନ୍ଦୁଆ ଜଙ୍ଗଲ ମଧ୍ୟରେ ମଦ ବୋତଲ ରେ ବିଷ ପିଇବାକୁ ଦେଇଦେଲା ଭଣଜା , ଆଉ ମାମୁଁ ସେହିଠାରେ ହିଁ ସବୁଦିନ ପାଇଁ ଚିରନିଦ୍ରାରେ ଶୋଇ ପଡିଲେ । ଭଣଜା ସେଠାରୁ ଚମ୍ପଟ ମାରିଲା । “”ବିଶ୍ୱାସ ରେ ବିଷ ଦେଇଦେଲା ଭଣଜା””
ଚାନ୍ଦପୁର ପୋଲିସ ଶବ ଜବତ କରି ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରୁକରୁ ଏହା ଏକ ଯୋଜନାବଦ୍ଧ ହତ୍ୟାକାଣ୍ଡ ବୋଲି ଜାଣି ପାରିଲା । ମୃତ ମାମୁଁ ହେଉଛନ୍ତି ଖୋର୍ଦ୍ଧା ଜିଲ୍ଲାର ବାଲୁଗାଁ ଥାନା ଅଧିନସ୍ଥ ହରିକୁଣ୍ଡବରଡି ଗ୍ରାମର ବ୍ରଜ ବିଶ୍ୱାଳ ଏବଂ ହତ୍ୟାକାରୀ ଭଣଜା ହେଉଛନ୍ତି ନୟାଗଡ଼ ଜିଲ୍ଲା ଚାନ୍ଦପୁର ଥାନା ଶାସ୍ତ୍ରୀ ନଗର ଗ୍ରାମର ନବ ପ୍ରଧାନ ଏବଂ ତାଙ୍କର ସମ୍ପର୍କୀୟ ପୁତୁରା ଶିବ ସାହୁ । ଚାନ୍ଦପୁର ପୋଲିସ ଅଭିଯୁକ୍ତ ଦୁହିଁଙ୍କୁ ଗିରଫ କରି କୋର୍ଟ ଚାଲାଣ କରିଛି । ଅଭିଯୁକ୍ତ ଦୁହେଁ ଏକ ବାଇକ ଯୋଗେ ମୃତ ବ୍ରଜ ବିଶ୍ୱାଳ ଙ୍କୁ ମଦ ପିଇବା ପାଇଁ ଜଙ୍ଗଲ ମଧ୍ୟକୁ ନେଇଥିଲେ ।ଘଟଣା କୁ ଗୁରୁତ୍ୱ ଦେଇ ଚାନ୍ଦପୁର ଥାନାଧିକାରୀ ରଶ୍ମି ରଞ୍ଜନ ଦାସ୍ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି।
