ଚାନ୍ଦପୁର:-୨୬/୧୧(ବିନୁ ଦାସ୍):- ସ୍ଥାନୀୟ ଚାନ୍ଦପୁର ଥାନା ଏବଂ ଅଗ୍ରଣୀ ଶିକ୍ଷାନୁଷ୍ଠାନ ଏଜି ମିଶନ ବିଦ୍ୟାଳୟର ଛାତ୍ରଛାତ୍ରୀ ମାନଙ୍କୁ ନେଇ ଆନ୍ତର୍ଜାତିକ ମହିଳା ସୁରକ୍ଷା ଦିବସ ପାଳନ ଅବସରରେ ସ୍ଥାନୀୟ ଚାନ୍ଦପୁର ଅଞ୍ଚଳରେ ଏକ ସଚେତନଧର୍ମୀ ପଥପ୍ରାନ୍ତ ନାଟକ ପରିବେଷଣ ସହ ଏକ ଶୋଭାଯାତ୍ରା କରାଯାଇଥିଲା।ଏହି ଶୋଭାଯାତ୍ରାରେ ବିଦ୍ୟାଳୟର ଷଷ୍ଠ ରୁ ନବମ ଶ୍ରେଣୀର ଛାତ୍ରଛାତ୍ରୀ ମାନେ ଏବଂ ସମସ୍ତ ଶିକ୍ଷକ ଶିକ୍ଷୟିତ୍ରୀ ପଥପ୍ରାନ୍ତ ନାଟକ ମାଧ୍ୟମରେ ଆଜିକାଲି ମହିଳାଙ୍କ ଉପରେ ଘଟୁଥିବା ବିଭିନ୍ନ ହିଂସା ଉପରେ ତୀବ୍ର ପ୍ରତିରୋଧ କରିଥିଲେ।ଶୋଭାଯାତ୍ରାଟି ଚାନ୍ଦପୁର ଷ୍ଟେଟବ୍ୟାଙ୍କ ଠାରୁ ଚାନ୍ଦପୁର ଥାନା ପର୍ଯ୍ୟନ୍ତ ହୋଇଥିଲା।
ଏହି ସମାବେଶରେ ଚାନ୍ଦପୁର ଥାନାଧିକାରୀ ରଶ୍ମି ରଞ୍ଜନ ଦାସ୍ ଏବଂ ସବ୍ ଇନିସ୍ପେକ୍ଟର ଅଞ୍ଜଳି ଶା ଏହିଭଳି କାର୍ଯ୍ୟକ୍ରମକୁ ଛାତ୍ରଛାତ୍ରୀ ମାନଙ୍କୁ ପୂର୍ଣ୍ଣ ସମର୍ଥନ ଦେବା ସହ ନିଜର ଅଭିଭାଷଣ ପ୍ରଦାନ କରିଥିଲେ।ଅନୁରୂପ ଭାବରେ ବିଦ୍ୟାଳୟ ର ପ୍ରଧାନ ଶିକ୍ଷକ ଏମ୍ ମାର୍ଟିନ୍,ଚେୟାରମ୍ୟାନ ବିନୁ ଗାବ୍ରିଏଲ୍, ଶିକ୍ଷକ ଶିକ୍ଷୟିତ୍ରୀ ସମ୍ପୂର୍ଣ୍ଣ ସହଯୋଗ କରିଥିଲେ।
